Breaking News
അപ്രതീക്ഷിത ഹര്‍ത്താല്‍ പ്രഖ്യാപിച്ച യൂത്ത് കോൺഗ്രസിനെതിരെ ഹൈക്കോടതി സ്വമേധയാ കേസെടുത്തു... എം.ജി. സർവകലാശാല തിങ്കളാഴ്ചത്തെ പരീക്ഷകൾ മാറ്റി... സംസ്ഥാനത്ത് ഇന്ന് യൂത്ത് കോൺഗ്രസ് ഹര്‍ത്താല്‍... കാസർഗോഡ് 2 കോൺഗ്രസ് പ്രവർത്തകരെ വെട്ടിക്കൊലപ്പെടുത്തി... കൊട്ടിയൂര്‍ പീഡനക്കേസില്‍ ഫാ. റോബിൻ വടക്കുംചേരിക്ക് 60 വര്‍ഷം തടവും മൂന്ന് ലക്ഷം രൂപ പിഴയും... കെവിന്‍ വധക്കേസിൽ കൈക്കൂലി വാങ്ങിയ എ.എസ്.ഐയെ പിരിച്ചുവിട്ടു; എസ്.ഐയ്ക്ക് പിരിച്ചുവിടല്‍ നോട്ടീസ്... ആറാട്ട് പ്രമാണിച്ച് ഏറ്റുമാനൂരില്‍ ശനിയാഴ്ച പ്രാദേശിക അവധി... ബി.എസ്.സി / ഡിപ്ലോമ നഴ്‌സുമാരെ സ്‌കൈപ്പ് സൗദിയിലേയ്ക്ക് ഇന്‍റര്‍വ്യൂ ചെയ്യുന്നു...

17 June, 2018 01:22:55 AM


ഡെങ്കിപ്പനി ബാധിതരുടെ എണ്ണം വര്‍ദ്ധിച്ചു; തൃശൂര്‍ ജില്ലയില്‍ ജാഗ്രതാ മുന്നറിയിപ്പ്

രോഗലക്ഷണം കണ്ടാലുടന്‍ വിദഗ്ധ ചികിത്സ തേടണം




തൃശ്ശൂര്‍: കാലവര്‍ഷം ആരംഭിച്ചതോടെ ഡെങ്കിപ്പനി ബാധിതരുടെ എണ്ണം വര്‍ദ്ധിച്ചതായും ജനങ്ങള്‍ ജാഗ്രത പാലിക്കണമെന്നും ജില്ലാ മെഡിക്കല്‍ ഓഫീസറുടെ ചുമതല വഹിക്കുന്ന ഡോ. ബേബിലക്ഷ്മി അറിയിച്ചു. ഡെങ്കിപ്പനി ചികിത്സയ്ക്കും പരിശോധനയ്ക്കും വേണ്ട എല്ലാ സൗകര്യങ്ങളും ജില്ലയിലെ സര്‍ക്കാര്‍ ആരോഗ്യ കേന്ദ്രങ്ങളിലും ആശുപത്രികളിലും ഒരുക്കിയതായും ഡി.എം.ഒ. അറിയിച്ചു. പനിബാധിതര്‍ ശരിയായി വിശ്രമിക്കുകയും വിദഗ്ധ ചികിത്സ നേടുകയും വേണം. ഇവര്‍ ധാരാളം വെള്ളം കുടിക്കണം. രോഗം പകരാതിരിക്കാന്‍ പനിബാധിതര്‍ പകലും രാത്രിയും കൊതുകുവലയ്ക്കുള്ളില്‍ വിശ്രമിക്കണം. 
 
പനിയോടൊപ്പം തൊലിപ്പുറത്തുണ്ടാകുന്ന വ്യത്യാസം, തടിപ്പുകള്‍, സന്ധിവേദന മുതലായവയാണ് ഡെങ്കിപ്പനിയുടെ ലക്ഷണങ്ങള്‍. ഇവ കണ്ടാലുടന്‍ വിദഗ്ധ ചികിത്സ തേടുകയും ഡോക്ടര്‍ പറയുന്ന കാലയളവില്‍ വിശ്രമിക്കുകയും വേണം. ചെറുപാത്രങ്ങള്‍, ചിരട്ടകള്‍, കപ്പുകള്‍, മരപ്പൊത്ത്, സണ്‍ഷെയ്ഡ്, ടെറസ്സ്, ഇലകള്‍ പൂച്ചട്ടി, മുട്ടത്തോട്, തൊണ്ട്, ടയര്‍ മുതലായവയില്‍ കെട്ടിനില്‍ക്കുന്ന ശുദ്ധജലത്തിലാണ് ഡെങ്കിപ്പനി പരത്തുന്ന ഈഡിസ് കൊതുകുകള്‍ മുട്ടയിടുന്നത്. മഴവെള്ളം ഇവയില്‍നിന്നും ഒഴുക്കിക്കളയാന്‍ എല്ലാവരും ശ്രദ്ധിക്കണമെന്ന് ബേബി ലക്ഷ്മി അറിയിച്ചു



Share this News Now:
  • Google+
Like(s): 265