17 June, 2018 12:01:46 AM


ഈദ് ആഘോഷം: ഇന്ത്യ-പാക് സൈനികർ ഇക്കുറി മധുരം പങ്കുവച്ചില്ല

ഇന്ത്യ-പാക് സംഘർഷം രൂക്ഷമായ സാഹചര്യത്തിലാണിത്



ശ്രീനഗര്‍: ഈദ് ആഘോഷത്തിന്‍റെ ഭാഗമായി വാഗാ അതിർത്തിയിൽ ഇന്ത്യ-പാക് സൈനികർ മധുരം പങ്കുവച്ചില്ല. അതിർത്തിയിൽ ഇന്ത്യ-പാക് സംഘർഷം രൂക്ഷമായ സാഹചര്യത്തിലാണ് മധുരം കൈമാറേണ്ടെന്ന് ഇരുവിഭാഗവും തീരുമാനിച്ചത്. സമാനമായ സാഹചര്യത്തെ തുടർന്ന് കഴിഞ്ഞ വർഷവും മധുരം കൈമാറൽ ചടങ്ങ് ഒഴിവാക്കിയിരുന്നു.

ശനിയാഴ്ച ജമ്മു കാഷ്മീരിലെ നൗഷാരയിൽ പാക്കിസ്ഥാൻ നടത്തിയ ആക്രമണത്തിൽ ഒരു സൈനികൻ വീരമൃത്യു വരിച്ചിരുന്നു. ഇന്ത്യൻ സൈനികർക്കു നേരെ യാതൊരു പ്രകോപനവും കൂടാതെ പാക്കിസ്ഥാൻ വെടിയുതിർക്കുകയായിരുന്നു. ബുധനാഴ്ച സാന്പയിൽ പാക്കിസ്ഥാൻ നടത്തിയ വെടിവയ്പിൽ ഒരു ബിഎസ്എഫ് ജവാനും കൊല്ലപ്പെട്ടിരുന്നു



Share this News Now:
  • Google+
Like(s): 104