12 June, 2018 01:18:28 PM


മണര്‍കാടിനടുത്ത് ബസ് ഇടിച്ച് സ്കൂട്ടര്‍ യാത്രികന്‍ മരിച്ചു

പേരൂര്‍ വാഴക്കാലായില്‍ സുദീപാണ് അയര്‍ക്കുന്നം റോഡിലെ അപകടത്തില്‍ മരിച്ചത്




മണര്‍കാട്: മണര്‍കാട് - അയര്‍കുന്നം റോഡില്‍ സ്വകാര്യബസ് സ്കൂട്ടറില്‍ ഇടിച്ച് യുവാവ് മരിച്ചു. പേരൂര്‍ വാഴക്കാലായില്‍ വി.എസ്.പരമേശ്വരന്‍റെയും രാധാമണിയുടെയും മകന്‍ സുദീപ് (38) ആണ് മരണമടഞ്ഞത്. ഒറവയ്ക്കലിന് സമീപം പെരുമാനൂര്‍കുളത്ത് ചൊവ്വാഴ്ച പകല്‍ 12.30 മണിയോടെ ആയിരുന്നു അപകടം. മണര്‍കാട് ഭാഗത്തേക്ക് പോകുകയായിരുന്ന സുദീപ് സഞ്ചരിച്ചിരുന്ന സ്കൂട്ടറിനെ മറികടക്കവെ ബസിന്‍റെ പിന്‍ഭാഗം തട്ടിയാണ് അപകടമുണ്ടായതെന്ന് പോലീസ് പറഞ്ഞു. ബസ് തട്ടി തെറിച്ചുവീണ സുദീപ് സംഭവസ്ഥലത്തുതന്നെ മരിച്ചു.


കോട്ടയം ഡിസി ബുക്സിലെ ഗോഡൗണ്‍ എക്സിക്യൂട്ടീവ് ആണ് മരിച്ച സുദീപ്. ഏറ്റുമാനൂരില്‍ അഡ്വക്കറ്റ് ക്ലര്‍ക്ക് ആയ ധന്യയാണ് ഭാര്യ. മക്കള്‍ പവിത്ര (പേരൂര്‍ സെന്‍റ് സെബാസ്റ്റ്യന്‍സ് പബ്ലിക് സ്കൂള്‍ മൂന്നാം ക്ലാസ് വിദ്യാര്‍ത്ഥിനി), പാര്‍വ്വതി. മണര്‍കാട് പോലീസ് മേല്‍നടപടികള്‍ സ്വീകരിച്ച് മൃതദേഹം കോട്ടയം മെഡിക്കല്‍ കോളേജ് ആശുപത്രിയില്‍ പോസ്റ്റ്മോര്‍ട്ടത്തിനു ശേഷം ബന്ധുക്കള്‍ക്ക് വിട്ടുകൊടുത്തു. സംസ്കാരം ബുധനാഴ്ച ൩ന് പേരൂര്‍ അരയിരത്തിന് സമീപമുള്ള വീട്ടുവളപ്പില്‍.



Share this News Now:
  • Google+
Like(s): 2638