12 June, 2018 10:21:45 AM


കോട്ടയം നാഗമ്പടത്ത് ആറ്റിലേക്ക് ചാടിയ വയോധികനെ രക്ഷപെടുത്തി

മീനച്ചിലാറ്റില്‍ ചാടിയ വയോധികന്‍ രണ്ട് കിലോമീറ്ററോളം ഒഴുകി പോയി



കോട്ടയം: ലോട്ടറി വില്‍പനക്കാരനായ വയോധികന്‍ മീനച്ചിലാറ്റില്‍ ചാടി ആത്മഹത്യയ്ക്ക് ശ്രമിച്ചു. ആലപ്പുഴ തോട്ടപ്പള്ളി സ്വദേശിയായ രാജന്‍ (68) ആണ് കോട്ടയം നാഗമ്പടം പാലത്തില്‍ നിന്നും ആറ്റിലേക്ക് ചാടിയത്. രണ്ട് കിലോമീറ്ററോളം ഒഴുകി ചുങ്കം പാലത്തിനടുത്തെത്തിയപ്പോള്‍ വള്ളത്തില്‍ വിറക് ശേഖരിക്കാനെത്തിയ നാട്ടുകാര്‍ ഇയാളെ രക്ഷപെടുത്തുകയായിരുന്നു.


ചൊവ്വാഴ്ച രാവിലെ 9.45 മണിയോടെയായിരുന്നു സംഭവം. ഇയാള്‍ ആറ്റിലേക്ക് ചാടുന്നത് കണ്ടവര്‍ പോലീസില്‍ വിവരമറിയിച്ചു. പോലീസ് അറിയിച്ചതനുസരിച്ച് കോട്ടയത്തു നിന്നും അഗ്നിശമനസേനാ വിഭാഗവും സ്ഥലത്തെത്തി. തെരച്ചില്‍ തുടരവെ ആറ്റിലെ കുത്തൊഴുക്കില്‍ രാജന്‍ ചുങ്കത്തെത്തിയിരുന്നു. കൈകാലുകള്‍ അടിച്ച് നീന്താന്‍ ശ്രമിച്ചിരുന്നതിനാല്‍ വെള്ളത്തില്‍ താണിപോകാതെ രക്ഷപെടുത്താന്‍ കഴിഞ്ഞു. സാമ്പത്തികബുദ്ധിമുട്ടാണ് ആത്മഹത്യയ്ക്ക് പ്രേരിപ്പിച്ചതെന്ന് ഇയാള്‍ പറഞ്ഞതായി പോലീസ് പറഞ്ഞു.



Share this News Now:
  • Google+
Like(s): 444