10 June, 2018 11:52:25 AM


മോനിപ്പള്ളിയില്‍ കാറപകടത്തില്‍ മൂന്ന് പേര്‍ക്ക് പരിക്ക്

റോഡിലേക്ക് തെറിച്ചു വീണ് കാര്‍ യാത്രക്കാരിക്ക് ഗുരുതരപരിക്ക്




മോനിപ്പള്ളി: എം.സി.റോഡില്‍ മോനിപ്പള്ളി അരിവാവളവില്‍ കാര്‍ അപകടത്തില്‍ പെട്ട് മൂന്ന് പേര്‍ക്ക് പരിക്ക്. മോനിപ്പള്ളി പാലക്കപ്രായില്‍ ജിൻസ് (27), സഹോദരന്‍ ജിബിൻ (24), ഇവരുടെ വല്യമ്മ മറിയക്കുട്ടി (85) എന്നിവര്‍ക്കാണ് പരിക്കേറ്റത്. ഗുതരമായി പരിക്കേറ്റ മറിയക്കുട്ടിയെ മോനിപ്പള്ളിയിലെ സ്വകാര്യ ആശുപത്രിയിലെ പ്രാഥമികശുശ്രൂഷകള്‍ക്കു ശേഷം കോട്ടയം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. ജിൻസിനും ജിബിനും പരിക്ക് സാരമല്ല. 

ഞായറാഴ്ച രാവിലെ 8.45 മണിയോടെ ആയിരുന്നു അപകടം. മോനിപ്പള്ളിയില്‍ നിന്നും കൂത്താട്ടുകുളം ഭാഗത്തേക്ക് പോകുകയായിരുന്ന കാര്‍ കനത്ത മഴയില്‍ വഴിയില്‍ നിന്നും തെന്നി മാറിയായിരുന്നു അപകടം. ദിശാ ബോര്‍ഡില്‍ തട്ടിയ കാര്‍ ഓടയിലേക്ക് വീണ് കറങ്ങി. ഈ സമയം കാറിന്‍റെ ഡോര്‍ തുറന്ന് പോകുകയും മറിയക്കുട്ടി റോഡിലേക്ക് തെറിച്ചു വീഴുകയുമായിരുന്നു. ഞായറാഴ്ച കനത്ത മഴയിലും കാറ്റിലും ഒട്ടേറെ അപകടങ്ങളാണ് എം.സി.റോഡിലുണ്ടായത്.



Share this News Now:
  • Google+
Like(s): 298