30 May, 2018 10:52:39 PM


ഡെങ്കിപ്പനി : വനിത ഏഷ്യ കപ്പില്‍ ശ്രീലങ്കയ്ക്ക് ഇരുട്ടടി

ചാമരി അട്ടപട്ടു, അമ കാഞ്ചന എന്നിവരുടെ സേവനം ടീമിന് നഷ്ടമാകും





കൊളംബോ: ജൂണ്‍ 3നു കോലാലംപൂറില്‍ ആരംഭിക്കുന്ന വനിത ഏഷ്യ കപ്പ് ചാമ്പ്യന്‍ഷിപ്പിനു തയ്യാറെടെക്കുന്ന ശ്രീലങ്കന്‍ ടീമിനു തിരിച്ചടി. ക്യാപ്റ്റന്‍ ചാമരി അട്ടപട്ടുവിന്‍റെ സേവനം ടീമിനു നഷ്ടമാകുമെന്നാണ് ലഭിക്കുന്ന വാര്‍ത്ത. ഡെങ്കിപ്പനി ബാധിച്ചതിനാലാണ് താരത്തിനു ടൂര്‍ണ്ണമെന്‍റില്‍ പങ്കെടുക്കാനാകാത്തത്. ബൗളിംഗ് ഓള്‍ റൗണ്ടര്‍ അമ കാഞ്ചനയ്ക്കും ഡെങ്കി കണ്ടെത്തിയതിനാല്‍ താരവും ടൂര്‍ണ്ണമെന്‍റിനുണ്ടാവില്ല. ശശികല സിരിവര്‍ദ്ധനയേ പകരം ക്യാപ്റ്റനായി നിയമിച്ചിട്ടുണ്ട്. വൈസ് ക്യാപ്റ്റന്‍ ഹസിനി പെരേരയാണ്. ടീമിലേക്ക് പകരം 19 വയസ്സുകാരി ഹര്‍ഷിത മാധവിയെയും മുന്‍ നായിക ഇനോക രണവീരയെയും ഉള്‍പ്പെടുത്തിയിട്ടുണ്ട്.



Share this News Now:
  • Google+
Like(s): 68