29 May, 2018 11:45:07 AM


കെവിന്‍ വധം: 14 പ്രതികള്‍; നീനുവിന്‍റെ അച്ഛനേയും പ്രതിചേര്‍ത്തു

കസ്റ്റഡിയിലായ മൂന്നു പേരെ ഏറ്റുമാനൂരില്‍ ചോദ്യം ചെയ്തു വരുന്നു





കോട്ടയം: കെവിന്‍റെ ദുരഭിമാന കൊലയില്‍ ഭാര്യ നീനുവിന്‍റെ പിതാവ് ചാക്കോയെയും പോലീസ് പ്രതിചേര്‍ത്തു. കേസില്‍ ആകെ 14 പ്രതികളാണുള്ളത്. മൂന്നു പേര്‍ കസ്റ്റഡിയിലായി. ഇവരുടെ അറസ്റ്റു രേഖപ്പെടുത്തി. ഇവരെ മൂന്നു പേരെ ഏറ്റുമാനൂര്‍ പോലീസ് സ്റ്റേഷനിൽ ചോദ്യം ചെയ്തു വരികയാണ്. ഇന്നു തന്നെ കോടതിയിൽ ഹാജരാക്കും.


അതേസമയം, ഗുരുതര വീഴ്ച വരുത്തിയ എസ്.ഐ ഷിബുകുമാറിനെ സംരക്ഷിക്കുന്ന രീതിയിലാണ് ഐ.ജിയുടെ പ്രതികരണം. എസ്.ഐയുടെ ഭാഗത്തുനിന്ന് അച്ചടക്ക ലംഘനമുണ്ടായി. എന്നാല്‍ എസ്.ഐയ്‌ക്കെതിരെ ക്രിമിനല്‍ കുറ്റം ചുമത്താന്‍ തെളിവില്ലെന്നും ഐ.ജി മാധ്യമങ്ങളോട് പറഞ്ഞു.


നീനുവിന്റെ മാതാപിതാക്കള്‍ ഒളിവിലാണ്. ഇവരെ പിടികൂടാന്‍ പ്രത്യേക സംഘത്തെ അയച്ചിട്ടുണ്ട്. ചാക്കോയ്ക്ക് കൊലപാതകത്തിന്റെ ഗൂഢാലോചനയെ കുറിച്ച്‌ അറിയാമെന്നും എന്നാല്‍ അമ്മ രഹ്നയ്ക്ക് ഇതില്‍ പങ്കില്ലെന്നുമാണ് പോലീസിന്റെ നിഗമനം.



Share this News Now:
  • Google+
Like(s): 215