26 May, 2018 11:08:35 AM


ഗുരുവായൂര്‍ ദേവസ്വം കൊമ്പന്‍ വിനീത് കൃഷ്ണന്‍ ചരിഞ്ഞു

രണ്ട് വര്‍ഷത്തോളമായി രോഗബാധിതനായി കഴിയുകയായിരുന്നു



ഗുരുവായൂര്‍: ഗുരുവായൂര്‍ ദേവസ്വം കൊമ്പന്‍ വിനീത് കൃഷ്ണന്‍ ചരിഞ്ഞു. ഇന്ന് പുലര്‍ച്ചെയോടെയായിരുന്നു ആന ചെരിഞ്ഞത്. രണ്ട് വര്‍ഷത്തോളമായി രോഗബാധിതനായി കഴിയുകയായിരുന്ന വിനീതിന്റെ ആരോഗ്യ നില ഒരാഴ്ചയായി കൂടുതല്‍ മോശമായി വരികയായിരുന്നു. 40 വയസ്സായിരുന്നു. 1980 നു ജനിച്ച വിനീതിന് നടയിരുത്തുമ്പോള്‍ പ്രായം 25 വയസ്സായിരുന്നു ഉണ്ടായിരുന്നത്.


2003 ജനുവരി 1നു ടി.എന്‍ ബല്‍റാം എന്ന ഭക്തന്‍ ഗുരുവായൂരില്‍ നടക്കിരുത്തിയ ആനകളില്‍ ഒന്നാണ് വിനീത്. വിനീതിനൊപ്പം നവനീത് കൃഷ്ണന്‍, ലക്ഷ്മി കൃഷ്ണന്‍ എന്നിങ്ങനെ മറ്റു രണ്ടാനകളെക്കൂടി അദ്ദേഹം നടക്കിരുത്തിയിരുന്നു. ഇതോടെ ഗുരുവായൂര്‍ ദേവസത്തിന്റെ കീഴിലുള്ള ആനകളുടെ എണ്ണം 49ആയി കുറഞ്ഞു. ആളുകളെ തുമ്പി വെച്ച് ഇറുക്കി പിടിക്കാറുള്ളതിനാല്‍ ഞണ്ട് എന്ന അപരനാമവും വിനീതിനുണ്ടായിരുന്നു.



Share this News Now:
  • Google+
Like(s): 168