Breaking News
കോട്ടയം വഴിയുള്ള പല ട്രയിനുകളും നാളെ മുതല്‍ ആലപ്പുഴ വഴി; ഒട്ടേറെ ട്രയിനുകള്‍ റദ്ദ് ചേയ്തു... പത്തനംതിട്ട ഇലവുങ്കലിൽ ശബരിമല തീർത്ഥാടകർ സഞ്ചരിച്ച ബസ് മറിഞ്ഞ് 25 പേര്‍ക്ക് പരിക്ക്... പിറവം കേസില്‍ നിന്നും ഹൈക്കോടതി ജഡ്ജിമാര്‍ പിന്മാറി... രാജസ്ഥാനില്‍ അശോക് ഗെഹ്ലോട്ട് മുഖ്യമന്ത്രിയായേക്കും... മിസോറാമില്‍ മിസോ നാഷണല്‍ ഫ്രണ്ട് അധികാരത്തിലേക്ക്... എൻ.എസ്. വിശ്വനാഥൻ റിസർവ് ബാങ്ക് താൽകാലിക ഗവർണറായി ചുമതലയേറ്റേക്കും... ഛത്തീസ്ഗഢിൽ കോൺഗ്രസ് അധികാരത്തിലേക്ക്... എസ്ബിഐ വായ്പ പലിശ നിരക്കുകള്‍ വര്‍ദ്ധിപ്പിച്ചു... സെക്രട്ടേറിയറ്റ് മാര്‍ച്ചില്‍ അക്രമം; ചൊവ്വാഴ്ച തിരുവനന്തപുരത്ത് ബിജെപി ഹര്‍‍ത്താല്‍...

26 May, 2018 08:45:13 AM


മണ്ണുത്തി - ഇടപ്പള്ളി ദേശീയപാത നിർമ്മാണത്തിൽ വ്യാപക ക്രമക്കേട്

അവശ്യം വേണ്ട സർവീസ് റോഡുകൾ ഇനിയും നിർമ്മിച്ചിട്ടില്ല



തൃശൂര്‍: മണ്ണുത്തി - ഇടപ്പള്ളി ദേശീയപാത നിർമ്മാണത്തിൽ വ്യാപക ക്രമക്കേട് നടന്നിട്ടുണ്ടെന്ന് മനുഷ്യാവകാശ കമ്മീഷൻ നിയോഗിച്ച അഭിഭാഷക കമ്മീഷൻ. പാതയില്‍ നിരന്തരം അപകടങ്ങളും മരണങ്ങളും സംഭവിക്കുന്നതും റോഡ് നിര്‍മ്മാണത്തിലെ അശാസ്ത്രീയത മൂലമെന്നും കമ്മീഷൻ റിപ്പോര്‍ട്ടിലുണ്ട്. തൃശൂര്‍ ഇരിങ്ങാലകുട സ്വദേശി  അഡ്വ. ജോബി പുളിക്കന്‍റെ പരാതിയുടെ അടിസ്ഥാനത്തിലാണ് മനുഷ്യാവകാശ കമ്മീഷൻ  ദേശീയപാതയുടെ നിര്‍മ്മാണത്തിലെ അപാകതയെ കുറിച്ച് പഠിക്കാൻ അഭിഭാഷകകമ്മീഷനെ നിയോഗിച്ചത്.

തെളിവുകളുടേയും രേഖകളുടേയും ശാസ്ത്രീയ പരിശേധനകളുടേയും പിൻബലത്തിൽ ആണ് അഭിഭാഷക കമ്മീഷൻ പി. പ്രമോദ് റിപ്പോർട്ട് സമർപ്പിച്ചിരിക്കുന്നത്. റോഡിന്‍റെ അശാസ്ത്രീയ നിർമ്മാണം മൂലം ഉണ്ടായ വാഹനാപകടങ്ങൾ മരണങ്ങൾ എന്നിവ കണക്കു സഹിതം വ്യക്തമാക്കുന്നു. അവശ്യം വേണ്ട സർവീസ് റോഡുകൾ ഇനിയും നിർമ്മിച്ചിട്ടില്ല. ഡ്രൈനേജ്, ലൈറ്റിങ്ങ്, ബസ്ബേ, ഷെൽട്ടർ, സിഗ്നൽ സംവിധാനങ്ങൾ എന്നിവ 5 വർഷം പിന്നിട്ടിട്ടും പൂർത്തിയാക്കിയിട്ടില്ല.. 

അശാസ്ത്രീയ റോഡ് നിർമ്മാണം മൂലം 42 കിലോമീറ്റർ നീളുന്ന ദേശീയപാതക്ക് ഇരുവശത്തുമുള്ള നെൽപാടങ്ങൾ ഉപയോഗശ്യന്യമായി എന്നും റിപ്പാർട്ട് സൂചിപ്പിക്കുന്നുണ്ട്. 2003ൽ നടത്തിയ സർവേയുടെ അടിസ്ഥാനത്തിലാണ് ടോൾ നിരക്ക് നിശ്ചയിച്ചത്. വാഹനങ്ങളുടെ എണ്ണം പതിൻമടങ്ങ് വർദ്ധിച്ചതിനാല്‍ റീസർവേ നടത്തി നിരക്ക് പുതുക്കി നിശ്ചയിക്കണമെന്നും റിപ്പോർട്ടിലുണ്ട്. റിപ്പോർട്ടിന്‍റെ അടിസ്ഥാനത്തിൽ കോടതിയെ സമീപിക്കാനാണ് പരാതിക്കാരന്‍റെ തീരുമാനം.



Share this News Now:
  • Google+
Like(s): 156