23 May, 2018 04:07:59 PM


തൃശൂരില്‍ ബസിടിച്ച് പരിക്കേറ്റ കുറിച്ചിത്താനം സ്വദേശി മരിച്ചു

കുറിച്ചിത്താനം പൂന്തുരുത്തിയില്‍ മനു ആണ് മരിച്ചത്



പാലാ: തൃശൂരില്‍ വെച്ച് കെ.എസ്.ആര്‍.ടി.സി ബസിടിച്ച് ഗുരുതരമായി പരിക്കേറ്റ് കോട്ടയം മെഡിക്കല്‍ കോളേജ് ആശുപത്രിയില്‍ ചികിത്സയിലായിരുന്ന യുവാവ് മരണമടഞ്ഞു. പാലായ്ക്കടുത്ത് കുറിച്ചിത്താനം പൂന്തുരുത്തിയില്‍ ശോഭനയുടെ മകന്‍ മനു പി.എസ്. (27) ആണ് മരിച്ചത്. കഴിഞ്ഞ 19ന് രാത്രി 11.45 മണിയോടെ തൃശൂര്‍ പേരാമ്പ്രയിലായിരുന്നു അപകടം. 


രാത്രി തട്ടുകടയില്‍ നിന്ന് ചായ കുടിച്ചശേഷം റോഡ് മുറിച്ചുകടക്കുവാന്‍ ശ്രമിക്കവെ കെ.എസ്.ആര്‍.ടി.സി സൂപ്പര്‍ഫാസ്റ്റ് ബസ് ഇടിച്ചു തെറിപ്പിക്കുകയായിരുന്നു. പരിക്കേറ്റ മനുവിനെ ആദ്യം പേരാമ്പ്രയിലെ സ്വകാര്യ ആശുപത്രിയിലും തുടര്‍ന്ന് കോട്ടയം മെഡിക്കല്‍ കോളേജ് ആശുപത്രിയിലും പ്രവേശിപ്പിച്ചു. കുറിച്ചിത്താനം പഴയിടം കേറ്ററിംഗ് സര്‍വ്വീസിലെ പാചകക്കാരനായിരുന്നു മനു. കേറ്ററിംഗ് സംബന്ധമായ ജോലിക്കായാണ് പേരാമ്പ്രയില്‍ എത്തിയത്. സംസ്കാരം വ്യാഴാഴ്ച വൈകിട്ട് നാല് മണിയ്ക്ക് കുറിച്ചിത്താനത്തെ വീട്ടുവളപ്പില്‍.



Share this News Now:
  • Google+
Like(s): 260