Breaking News
പെ​രു​മ്പാവൂരില്‍ കാ​റും ബ​സും കൂ​ട്ടി​യി​ടി​ച്ച് ആറ് പേ​ർ മ​രി​ച്ചു... കോട്ടയത്ത് വീട്ടിലേയ്ക്ക് നീന്തിപ്പോയ ഗൃഹനാഥൻ കുഴഞ്ഞുവീണ് മരിച്ചു... കോട്ടയം ജില്ലയില്‍ വിദ്യാഭ്യാസസ്ഥാപനങ്ങള്‍ക്ക് വ്യാഴാഴ്ച ഭാഗിക അവധി... പമ്പാ നദിയുടെ തീരത്തു താമസിക്കുന്നവര്‍ക്കും ശബരിമല തീര്‍ഥാടകര്‍ക്കും ജാഗ്രതാ നിര്‍ദ്ദേശം... മാതൃഭൂമി ചീഫ് റിപ്പോര്‍ട്ടര്‍ എന്‍.എസ് ബിജുരാജ് അന്തരിച്ചു... സംസ്ഥാനത്ത് ലോറി ഉടമകള്‍ ഈ മാസം 20 മുതല്‍ സമരത്തിലേക്ക്... കനത്ത മഴയെ തുടർന്ന് കോട്ടയം വഴിയുള്ള പത്ത് ട്രെയിനുകൾ ബുധനാഴ്ച റദ്ദാക്കി... കോട്ടയം ജില്ലയിലെ വിദ്യാഭ്യാസ സ്ഥാപനങ്ങൾക്ക് ബുധനാഴ്ച അവധി... എറണാകുളം, ആലപ്പുഴ ജില്ലകളില്‍ ഭാഗിക അവധി... കോട്ടയം റൂട്ടില്‍ ട്രയിന്‍ ഗതാഗതത്തിന് നിയന്ത്രണം... എം.സി.റോഡില്‍ പട്ടിത്താനത്ത് കാറുകള്‍ കൂട്ടിയിടിച്ച് 7 പേര്‍ക്ക് പരിക്ക്...

16 May, 2018 09:42:52 AM


സർക്കാരുണ്ടാക്കുമെന്ന നിലപാടിൽ ഉറച്ച് കോണ്‍ഗ്രസ്; ഗവർണർ അനുവദിച്ചില്ലെങ്കിൽ കോടതിയെ സമീപിക്കും

അവകാശവാദത്തിൽ നിന്ന് ഒട്ടും പിന്നോട്ട് പോകാതെ ബിജെപിയും



ബംഗളൂരു: കർണാടക നിയമസഭ തെരഞ്ഞെടുപ്പ് ഫലം പൂർണമായി പുറത്തുവന്നതിനു പിന്നാലെ സർക്കാരുണ്ടാക്കുമെന്ന നിലപാടിൽ ഉറച്ച് കോണ്‍ഗ്രസ്. സർക്കാർ രൂപീകരിക്കാൻ ഗവർണർ അനുവദിച്ചില്ലെങ്കിൽ കോടതിയെ സമീപിക്കുമെന്ന് എഐസിസി ജനറൽ സെക്രട്ടറി കെ.സി. വേണുഗോപാൽ പറഞ്ഞു. സർക്കാർ രൂപീകരണത്തിന് സാധ്യമായ എല്ലാ വഴികളും തേടുമെന്നും അദ്ദേഹം അറിയിച്ചു. 

എംഎൽഎമാരെ മറുകണ്ടം ചാടിക്കാൻ ബിജെപി ശ്രമിച്ചാൽ തങ്ങളും രാഷ്ട്രീയം കളിക്കുമെന്ന് കോൺഗ്രസിന്‍റെ പ്രചാരണസമിതി തലവൻ ഡി.കെ. ശിവകുമാർ പറഞ്ഞു. എംഎൽഎമാരെ രാജിവെപ്പിക്കാൻ ബിജെപി ശ്രമിക്കുന്നുണ്ടെന്നും താൻ ബിജെപിക്ക് ഒപ്പം പോകുമെന്നത് തെറ്റായ വാർത്തയാണെന്നും ശിവകുമാർ കൂട്ടിച്ചേര്‍ത്തു. 

ഒരു എംഎൽഎ പോലും പുറത്തുപോകില്ലെന്നും തങ്ങൾ തന്നെ സർക്കാർ രൂപീകരിക്കുമെന്ന് ഉറച്ച വിശ്വാസമുണ്ടെന്നും സിദ്ധരാമയ്യയും പറഞ്ഞു. കോൺഗ്രസ് നിയമസഭ കക്ഷി യോഗം അൽപ്പസമയത്തിനകം ചേരും. അതേസമയം, സർക്കാർ രൂപീകരണ അവകാശവാദത്തിൽനിന്ന് പിന്നോട്ട് പോകേണ്ടെന്നാണ് ബിജെപിയുടെയും നിലപാട്. യെദിയൂരപ്പ ഇന്ന് ഗവർണറെ കാണുമെന്നും അറിയിച്ചിട്ടുണ്ട്.



Share this News Now:
  • Google+
Like(s): 58