Breaking News
പന്ത്രണ്ട് വയസുള്ള കുട്ടിയെ ലൈംഗികമായി പീഡിപ്പിച്ച ക്ഷേത്രം പൂജാരി ഏറ്റുമാനൂരില്‍ പിടിയില്‍... എറണാകുളം ജില്ലക്ക് മേല്‍ ന്യൂനമര്‍ദ്ദം: അതിശക്തമായ കാറ്റിനും മഴയ്ക്കും സാധ്യത; ജാഗ്രതാ നിര്‍ദ്ദേശം... ഹിന്ദു ഐക്യവേദി നേതാക്കളായ കെ.പി.ശശികലയും ഭാര്‍ഗവറാമും പൃഥിപാലും കസ്റ്റഡിയില്‍... ശനിയാഴ്ച ഹർത്താൽ... രഹ്ന ഫാത്തിമയുടെ മുൻകൂർ ജാമ്യാപേക്ഷ തള്ളി... തമിഴ്‌നാട്ടില്‍ നാശം വിതച്ച്‌ ഗജ ചുഴലിക്കാറ്റ്: ആറ് മരണം... ഗജ ചുഴലിക്കാറ്റ് ; കേരളത്തില്‍ മൂന്ന് ജില്ലകളില്‍ ഓറഞ്ച് അലര്‍ട്ട്, ആറ് ജില്ലകളില്‍ യെല്ലോ അലര്‍ട്ട്... കെഎസ്ആര്‍ടിസി നിലയ്ക്കല്‍ - പമ്പ ചെയിന്‍ സര്‍വീസും സെല്‍ഫ് ടിക്കറ്റിംഗ് കിയോസ്‌കും വെള്ളിയാഴ്ച ആരംഭിക്കും... തിരുവനന്തപുരം കണിയപുരത്ത് നിയന്ത്രണം വിട്ട കാർ ഇടിച്ച് രണ്ട് പേര്‍ മരിച്ചു... ഏഴ് ദിവസത്തേക്ക് ശബരിമലയില്‍ നിരോധനാജ്ഞ... ശബരിമല പ്രശ്നത്തിൽ സമവായമുണ്ടാക്കാൻ സർക്കാർ വിളിച്ച സർവകക്ഷിയോഗം പാളി... ഗജ ചുഴലിക്കാറ്റ് വൈകിട്ടോടെ തീരം തൊടും: കേരളത്തിൽ ശക്തമായ മഴയ്ക്ക് സാധ്യത...

15 May, 2018 02:50:53 PM


മീനച്ചിലാറ്റില്‍ കുളിയ്ക്കാനിറങ്ങിയ വിദ്യാര്‍ത്ഥി മുങ്ങി മരിച്ചു

തിരുവഞ്ചൂര്‍ അമ്പാടിയിൽ അക്ഷയ് സുരേഷ് ആണ് മരിച്ചത്




ഏറ്റുമാനൂര്‍: തിരുവഞ്ചൂര്‍ പൂവത്തുംമൂട് പാലത്തിനു താഴെ മീനച്ചിലാറ്റില്‍ കുളിയ്ക്കാനിറങ്ങിയ വിദ്യാര്‍ത്ഥി മുങ്ങി മരിച്ചു. തിരുവഞ്ചൂര്‍ അമ്പാടിയിൽ സുരേഷ് ബാബുവിന്‍റെ മകന്‍ അക്ഷയ് സുരേഷ് (15) ആണ് മരിച്ചത്. കൂട്ടുകാരുമൊത്ത് കുളിയ്ക്കാനിറങ്ങിയ അക്ഷയ് ഒഴുക്കില്‍പെടുകയായിരുന്നു. 


ഉച്ചയ്ക്ക് ഒരുമണിയോടു കൂടിയാണ് മൂന്ന് കൂട്ടുകാരോടൊപ്പം അക്ഷയ് കുളിയ്ക്കാനിറങ്ങിയത്. പാലത്തിന്‍റെ പില്ലറില്‍ നിന്ന് ആറ്റിലേയ്ക്ക് ചാടിയ അക്ഷയ്  ഒഴുക്കില്‍പ്പെടുകയായിരുന്നു.  കൂട്ടുകാര്‍ രക്ഷിക്കാന്‍ ശ്രമിച്ചെങ്കിലും നടന്നില്ല. നാട്ടുകാരെത്തി രക്ഷപ്പെടുത്താന്‍ ശ്രമിച്ചെങ്കിലും വിഫലമാകുകയായിരുന്നു. തുടര്‍ന്ന് കോട്ടയത്തു നിന്നെത്തിയ ഫയര്‍ ഫോഴ്സിന്‍റെ സഹായത്തോടെ ഉച്ചകഴിഞ്ഞ്   2.30 ഓടെയാണ് മൃതദേഹം കണ്ടെത്തിയത്.


നട്ടാശ്ശേരി വിദ്യാധിരാജാ സ്കൂളില്‍ നിന്ന് ഈ വര്‍ഷം എസ്.എസ്.എല്‍.സി പാസായ വിദ്യാര്‍ത്ഥിയാണ് അക്ഷയ്. അയര്‍ക്കുന്നം പോലീസ് മേല്‍നടപടികള്‍ സ്വീകരിച്ചശേഷം മൃതദേഹം കോട്ടയം മെഡിക്കല്‍ കോളജ്  ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്.ഏറ്റുമാനൂര്‍ മാടപ്പാട്ട് സ്വദേശി മഞ്ചുവാണ് മാതാവ്. സഹോദരി അമൃത സുരേഷ്. 




Share this News Now:
  • Google+
Like(s): 1460