Breaking News
പന്ത്രണ്ട് വയസുള്ള കുട്ടിയെ ലൈംഗികമായി പീഡിപ്പിച്ച ക്ഷേത്രം പൂജാരി ഏറ്റുമാനൂരില്‍ പിടിയില്‍... എറണാകുളം ജില്ലക്ക് മേല്‍ ന്യൂനമര്‍ദ്ദം: അതിശക്തമായ കാറ്റിനും മഴയ്ക്കും സാധ്യത; ജാഗ്രതാ നിര്‍ദ്ദേശം... ഹിന്ദു ഐക്യവേദി നേതാക്കളായ കെ.പി.ശശികലയും ഭാര്‍ഗവറാമും പൃഥിപാലും കസ്റ്റഡിയില്‍... ശനിയാഴ്ച ഹർത്താൽ... രഹ്ന ഫാത്തിമയുടെ മുൻകൂർ ജാമ്യാപേക്ഷ തള്ളി... തമിഴ്‌നാട്ടില്‍ നാശം വിതച്ച്‌ ഗജ ചുഴലിക്കാറ്റ്: ആറ് മരണം... ഗജ ചുഴലിക്കാറ്റ് ; കേരളത്തില്‍ മൂന്ന് ജില്ലകളില്‍ ഓറഞ്ച് അലര്‍ട്ട്, ആറ് ജില്ലകളില്‍ യെല്ലോ അലര്‍ട്ട്... കെഎസ്ആര്‍ടിസി നിലയ്ക്കല്‍ - പമ്പ ചെയിന്‍ സര്‍വീസും സെല്‍ഫ് ടിക്കറ്റിംഗ് കിയോസ്‌കും വെള്ളിയാഴ്ച ആരംഭിക്കും... തിരുവനന്തപുരം കണിയപുരത്ത് നിയന്ത്രണം വിട്ട കാർ ഇടിച്ച് രണ്ട് പേര്‍ മരിച്ചു... ഏഴ് ദിവസത്തേക്ക് ശബരിമലയില്‍ നിരോധനാജ്ഞ... ശബരിമല പ്രശ്നത്തിൽ സമവായമുണ്ടാക്കാൻ സർക്കാർ വിളിച്ച സർവകക്ഷിയോഗം പാളി... ഗജ ചുഴലിക്കാറ്റ് വൈകിട്ടോടെ തീരം തൊടും: കേരളത്തിൽ ശക്തമായ മഴയ്ക്ക് സാധ്യത...

11 May, 2018 09:02:03 PM


തിരിച്ചറിയല്‍ കാര്‍ഡുകള്‍ കണ്ടെടുത്ത ആര്‍.ആര്‍. നഗര്‍ മണ്ഡലത്തിലെ തിരഞ്ഞെടുപ്പ് മാറ്റിവെച്ചു

തിരഞ്ഞെടുപ്പ് മെയ് 28ന് നടക്കും




ബംഗളൂരു: തിരിച്ചറിയല്‍ കാര്‍ഡുകള്‍ കണ്ടെടുത്ത ആര്‍.ആര്‍. നഗര്‍ മണ്ഡലത്തിലെ വോട്ടെടുപ്പ് തിരഞ്ഞെടുപ്പ് കമ്മീഷന്‍ മാറ്റിവെച്ചു. മെയ് 28 ലേക്കാണ് തിരഞ്ഞെടുപ്പ് മാറ്റിവെച്ചത്. ദിവസങ്ങള്‍ക്ക് മുമ്പ് പതിനായിരത്തോളം തിരിച്ചറിയല്‍ കാര്‍ഡുകള്‍ പിടിച്ചെടുത്തിരുന്നു. വോട്ടര്‍മാര്‍ക്ക് പണം നല്‍കുന്നതിന് വേണ്ടിയാകാം ഇത്തരത്തില്‍ തിരിച്ചറിയല്‍ കാര്‍ഡുകള്‍ സ്ഥാനാര്‍ഥി ശേഖരിച്ചത് എന്നായിരുന്നു കമ്മീഷന്റെ  കണ്ടെത്തല്‍. ഇതേ തുടര്‍ന്ന് കേസ് രജിസ്റ്റര്‍ ചെയ്യുകയും കോണ്‍ഗ്രസ് സ്ഥാനാര്‍ഥിയായ മുനിരത്നത്തിനെ പ്രതിചേര്‍ത്തുകൊണ്ട് എഫ്‌ഐആര്‍ രജിസ്റ്റര്‍ ചെയ്യുകയും ചെയ്തിരുന്നു. 


ആര്‍.ആര്‍ നഗറിലെ വോട്ടെടുപ്പ് മാറ്റിവെക്കണമെന്ന് പ്രതിപക്ഷം ആവശ്യപ്പെട്ടിരുന്നുവെങ്കിലും ഇക്കാര്യത്തില്‍ തീരുമാനം വന്നിരുന്നില്ല. എന്നാല്‍ വോട്ടെടുപ്പ് ആരംഭിക്കുന്നതിന് മണിക്കൂറുകള്‍ മാത്രം ബാക്കിനില്‍ക്കെയാണ് തിരഞ്ഞെടുപ്പ് മാറ്റിവെച്ചുകൊണ്ടുള്ള തീരുമാനം കേന്ദ്ര തിരഞ്ഞെടുപ്പ് കമ്മീഷന്റെ ഭാഗത്തുനിന്നുണ്ടായത്. ബംഗളൂരുവിലെ ഒരു ചേരിയില്‍ താമസിക്കുന്നവരില്‍ നിന്ന് ശേഖരിച്ച തിരിച്ചറിയല്‍ കാര്‍ഡുകളാണ് കണ്ടെടുത്തത്. ഈ കാര്‍ഡിന്റെ ഉടമകളില്‍ ചിലരെ കമ്മീഷന്‍ നേരിട്ട് ബന്ധപ്പെട്ട് വിവരങ്ങള്‍ ആരാഞ്ഞപ്പോഴാണ് കാര്‍ഡുകള്‍ സമ്മാനങ്ങള്‍ നല്‍കാനായി ശേഖരിച്ചതാണെന്ന് തെളിഞ്ഞത്.



Share this News Now:
  • Google+
Like(s): 144