Breaking News
ബാര്‍ കോഴ കേസില്‍ കെഎം മാണിയെ കുറ്റവിമുക്തനാക്കിയുള്ള വിജിലന്‍സ് റിപ്പോര്‍ട്ട് കോടതി തള്ളി... സ്കൂള്‍ കലോത്സവം ഡിസംബറില്‍ ആലപ്പുഴയില്‍... ഇന്ന് പെട്രോളിന് 15 പൈസയും ഡീസലിന് ആറു പൈസയും കൂടി.... ഹാരിസൺ ഭൂമി കേസില്‍ സംസ്ഥാന സര്‍ക്കാര്‍ നല്‍കിയ ഹര്‍ജി സുപ്രിം കോടതി തള്ളി... നമ്പി നാരായണനൊപ്പം പ്രതിപ്പട്ടികയിൽ ഉൾപ്പെട്ടിരുന്ന കെ. ചന്ദ്രശേഖർ അന്തരിച്ചു... ചലച്ചിത്രതാരം ക്യാപ്റ്റന്‍ രാജു അന്തരിച്ചു... കോട്ടയത്ത് വിവിധ സ്ഥലങ്ങളില്‍ ബൈക്കിലെത്തി സ്ത്രീകളുടെ മാല പൊട്ടിച്ച യുവാക്കള്‍ പിടിയില്‍... കന്നിമാസ പൂജകള്‍ക്കു വേണ്ടി ശബരിമല നട തുറന്നു... കൊയിലാണ്ടിയില്‍ പഞ്ചായത്തംഗം തീവണ്ടി തട്ടി മരിച്ചു... പെരുവന്താനം അമലഗിരിയിൽ സൈക്കിൾ മറിഞ്ഞ് പന്ത്രണ്ടു വയസുകാരൻ മരിച്ചു... ഭക്ഷണത്തില്‍ വിഷം കലര്‍ത്തി നല്‍കി വന്‍മോഷണം; സ്വര്‍ണവും സാധനങ്ങളുമായി വീട്ടുജോലിക്കാരി മുങ്ങി...

09 May, 2018 12:40:46 AM


ഡ്രൈവിംഗിനിടെ ഭാര്യയും ഭര്‍ത്താവും വഴക്കിട്ടു; നഷ്ടമായത് നാല് ജീവനുകള്‍!

നിയന്ത്രണം നഷ്ടപ്പെട്ട കാർ ഓട്ടോയിലിടിച്ചു മറിഞ്ഞാണ് അപകടം



ബിക്കാനീര്‍: കാറോടിക്കുന്നതിനിടെ ഭാര്യയും ഭര്‍ത്താവും വഴക്കിടതിനെ തുടര്‍ന്നുണ്ടായ അപകടത്തില്‍ നാലു പേര്‍ കൊല്ലപ്പെട്ടു. രാജസ്ഥാനിലെ ബിക്കാനീറിലാണ് സംഭവം. പുത്തന്‍ മാരുതി സ്വിഫ്റ്റ് ഓട്ടോറിക്ഷയിലിടിച്ചാണ് അപകടം. ടീം ബിഎച്ച്പി, രാജസ്ഥാന്‍ പത്രിക എന്നീ മാധ്യമങ്ങളുടെ റിപ്പോര്‍ട്ട് അനുസരിച്ച് കാർ ഓടിച്ച ഭർത്താവ് ദേവ് പ്രതാപും ഭാര്യ പ്രിയങ്ക പ്രതാപും ഓട്ടോയിൽ യാത്ര ചെയ്യുകയായിരുന്ന രണ്ട് സ്ത്രീകളുമാണ് മരിച്ചത്.

28കാരനായ ദേവ് പ്രതാപ് നേവല്‍ ഒഫീസറാണ്. വാഹനം ഓടിച്ചുകൊണ്ടിരുന്നപ്പോൾ ഭാര്യയോട് വഴക്കടിച്ചതുമൂലം നിയന്ത്രണം നഷ്ടപ്പെട്ട കാർ ഓട്ടോയിലിടിച്ചു മറിയുകയായിരുന്നുവെന്നാണ് റിപ്പോര്‍ട്ടുകള്‍. വഴക്കിനിടയില്‍ ദേഷ്യം പിടിച്ച ദേവ് വാഹനത്തിന്റെ വേഗം വർദ്ധിപ്പിക്കുകയായിരുന്നുവത്രെ. തുടര്‍ന്നാണ് അപകടം.

അതേസമയം ഓട്ടോറിക്ഷയില്‍ പത്തോളം പേരുണ്ടായിരുന്നുവെന്നും റിപ്പോര്‍ട്ടുകളുണ്ട്. മീരാ ദേവി (50), ചുക്കാ ദേവി (45) എന്നിവരാണ് മരിച്ച സ്ത്രീകള്‍. കാറിന്‍റെ പിന്നാലെയെത്തിയ ആംബുലന്‍സിന്‍റെ ഡ്രൈവറാണ് വഴക്കിന്‍റെ കാര്യം പൊലീസിനെ അറിയിക്കുന്നത്. ഇയാള്‍ സമാധാനിപ്പിക്കാന്‍ ശ്രമിച്ചിട്ടും കുതിച്ചു പായുന്നതിനിടെയായിരുന്നു അപകടം.



Share this News Now:
  • Google+
Like(s): 164