03 May, 2018 02:11:16 PM


ഓസ്‌ട്രേലിയയില്‍ കോമണ്‍വെല്‍ത്ത് ബാങ്കില്‍ വന്‍ അട്ടിമറി

രണ്ട് കോടി അക്കൗണ്ട് ഉടമകളുടെ രേഖകള്‍ നഷ്ടമായി



മെല്‍ബണ്‍: ഓസ്‌ട്രേലിയയില്‍ കോമണ്‍വെല്‍ത്ത് ബാങ്കില്‍ വന്‍ അട്ടിമറി. ബാങ്കിലെ രണ്ട് കോടി അക്കൗണ്ട് ഉടമകളുടെ രേഖകള്‍ നഷ്ടമായി. 2016ല്‍ ഒരു സബ് കോണ്‍ട്രാക്ടര്‍ ആണ് ബാങ്കിന് ഈ 'പണി' കൊടുത്തത്. അക്കൗണ്ട് ഉടമകളുടെ പേരുകള്‍, വിലാസം, അക്കൗണ്ട് നമ്ബറുകള്‍, അവരുടെ സത്യവാങ്മൂലങ്ങള്‍ അടക്കമുള്ളവയാണ് നശിപ്പിക്കപ്പെട്ടത്. രണ്ട് മാഗ്നറ്റിക് ടേപ്പുകളില്‍ സൂക്ഷിച്ചിരുന്നവയാണ് ഇവ.


എന്നാല്‍ ടേപ്പ് നശിപ്പിക്കപ്പെട്ടോ എന്ന് കൃത്യമായ വിവരം ബാങ്കിന്റെ പക്കലില്ല. ഗുരുതര വീഴ്ച വന്നകാര്യം ബാങ്ക് ഇടപാടുകാരില്‍ നിന്നും മറച്ചുവച്ചു. പതിനഞ്ചു വര്‍ഷത്തെ അക്കൗണ്ട് ഉടമകളുടെ വിവരങ്ങള്‍ അടങ്ങിയ ടേപ്പുകളാണ് നശിപ്പിക്കപ്പെട്ടത്. ഇക്കാര്യത്തില്‍ വ്യക്തമായ ഉറപ്പില്ലെന്ന് ബാങ്ക് ഓസ്‌ട്രേലിയന്‍ സ്‌റ്റോക്ക് എക്‌സ്‌ചേഞ്ചിനെ അറിയിച്ചു.



Share this News Now:
  • Google+
Like(s): 56