02 May, 2018 11:06:06 AM


ഇറങ്ങുന്നതിനിടെ മുന്നോട്ടെടുത്ത ബസില്‍ നിന്ന് വീണ് ഗര്‍ഭിണിക്ക് പരിക്ക്

ഇരിങ്ങല്‍ സ്വദേശിയും ഏഴുമാസം ഗര്‍ഭിണിയുമായ ദിവ്യക്കാണ് പരിക്കേറ്റത്




കോഴിക്കോട്: ഇറങ്ങുന്നതിനിടെ മുന്നോട്ടെടുത്ത ബസില്‍ നിന്ന് വീണ് ഗര്‍ഭിണിക്ക് പരിക്ക്. കോഴിക്കോട് വടകര ഇരിങ്ങലിലാണ് സംഭവം. ഇരിങ്ങല്‍ സ്വദേശിയും ഏഴുമാസം ഗര്‍ഭിണിയുമായ ദിവ്യക്കാണ് പരിക്കേറ്റത്. ഇന്നലെ രാത്രി 8.15ഓടെ ആയിരുന്നു അപകടം.


ബസിന്‍റെ വാതില്‍ തട്ടി ദിവ്യയുടെ കാലിന് പരിക്കേല്‍ക്കുകയും ചെയ്തിട്ടുണ്ട്. എന്നാല്‍ ദിവ്യ വീഴുന്നതു കണ്ടിട്ടും ബസ് നിര്‍ത്താതെ പോയി. പിന്നീട് നാട്ടുകാരാണ് ഇവരെ ആശുപത്രിയിലെത്തിച്ചത്.ഏഴുമാസം ഗര്‍ഭിണിയാണ് ദിവ്യ. പയ്യോളി പോലീസ് സ്റ്റേഷനില്‍ പരാതി നല്‍കിയിട്ടുണ്ട്.


കോഴിക്കോട് ആശുപത്രിയില്‍ ഡോക്ടറെ കണ്ടിട്ട് മടങ്ങുകയായിരുന്നു ദിവ്യയും ഭര്‍ത്താവും. കോഴിക്കോട്- കണ്ണൂര്‍ റൂട്ടില്‍ സര്‍വീസ് നടത്തുന്ന ഡി ടി എസ് എഫ് 4 എന്ന സ്വകാര്യബസില്‍നിന്നാണ് ദിവ്യ വീണത്.



Share this News Now:
  • Google+
Like(s): 93