01 May, 2018 11:12:40 AM


കൊരട്ടിയിൽ കെഎസ്ആർടിസി ബസ് മറിഞ്ഞ് 16 പേർക്ക് പരിക്ക്

ബംഗളൂരുവിൽ നിന്ന് തിരുവല്ലയിലേയ്ക്ക് വന്ന ബസാണ് മറിഞ്ഞത്



തൃശൂര്‍: കൊരട്ടി ദേശീയപാതയിൽ കെഎസ്ആർടിസി ബസ് മറിഞ്ഞ് പതിനാറ് പേർക്ക് പരിക്കേറ്റു. ബംഗളൂരുവിൽ നിന്ന് തിരുവല്ലയിലേയ്ക്ക് വന്ന ബസാണ് മറിഞ്ഞത്. പരുക്കേറ്റവരെ ചാലക്കുടി സെന്റ് ജെയിംസ് ആശുപത്രിയിൽ പ്രവേശിപ്പിച്ചു. പുലര്‍ച്ചെ ആറ് മണിയോടെയായിരുന്നു അപകടം. കെഎസ്ആര്‍ടിസി സൂപ്പര്‍ ഡിലക്സ് ബസാണ് അപകടത്തില്‍ പെട്ടത്. ബസിന് കുറുകെ ബൈക്ക് മുറിച്ചുകടക്കാന്‍ ശ്രമിച്ചപ്പോള്‍ പെട്ടെന്ന് ബ്രേക്കിട്ട് തെന്നി മറിയുകയായിരുന്നു എന്നാണ് ദൃക്സാക്ഷികള്‍ പറയുന്നു. ആകെ 18 യാത്രക്കാരുണ്ടായിരുന്നു. പരിക്കേറ്റവരുടെ നില ഗുരുതരമല്ല. 



Share this News Now:
  • Google+
Like(s): 120