Breaking News
കോട്ടയം ജനറല്‍ ആശുപത്രിയില്‍ ഡയാലിസിസ് യൂണിറ്റ് ഉച്ച കഴിഞ്ഞും... ഏറ്റുമാനൂര്‍ ഗവ. മോഡല്‍ റസിഡന്‍ഷ്യല്‍ സ്‌കൂളില്‍ ഒഴിവുകള്‍... മാ​വേ​ലി​ക്ക​രയില്‍ ടി​പ്പ​ർ സ്കൂ​ട്ട​റി​ലി​ടി​ച്ച് വീ​ട്ട​മ്മ മ​രി​ച്ചു... തെള്ളകത്ത് ബസിന് പിന്നില്‍ മിനി ലോറി ഇടിച്ച് 8 പേര്‍ക്ക് പരിക്ക്... രാജ്യത്തെ എല്ലാ സൂപ്പര്‍ മാര്‍ക്കറ്റുകളിലും കയര്‍ ഉല്‍പന്നങ്ങള്‍ എത്തിക്കും... ഗ​ണേ​ഷ് കു​മാ​ർ യു​വാ​വി​നെ കൈ​യേ​റ്റം ചെ​യ്തെ​ന്ന് സ്പെ​ഷ​ൽ ബ്രാ​ഞ്ച് റി​പ്പോ​ർ​ട്ട്... പി.വി. അ​ൻ​വ​ര്‍ എം.എല്‍.എയുടെ വാ​ട്ട​ർ തീം ​പാ​ർ​ക്കി​ന് സ്റ്റോ​പ്പ് മെ​മ്മോ... പേ​പ്പാ​റ അ​ണ​ക്കെ​ട്ടി​ന്‍റെ ഷ​ട്ട​റു​ക​ൾ തു​റ​ക്കാന്‍ സാധ്യതയുള്ളതിനാല്‍ ക​ര​മ​ന​യാ​റി​ന്‍റെ തീ​ര​ത്ത് ജാ​ഗ്ര​താ മു​ന്ന​റി​യി​പ്പ്...

30 April, 2018 11:10:26 AM


താമരശ്ശേരിയില്‍ വനഭൂമി കയ്യേറി നിര്‍മിച്ച റിസോര്‍ട്ട് ഒഴിപ്പിച്ചു

പത്തേക്കറിൽ പണിത ഹൈലൈഫ് എന്ന റിസോര്‍ട്ടാണ് ഒഴിപ്പിച്ചത്



കോഴിക്കോട്: താമരശ്ശേരിയില്‍ വനഭൂമി കയ്യേറി നിര്‍മിച്ച റിസോര്‍ട്ട് ഒഴിപ്പിച്ചു. പത്തേക്കറില്‍ കെട്ടിപ്പൊക്കിയ ഹൈലൈഫ് എന്ന പേരിലുള്ള റിസോര്‍ട്ടാണ് ഒഴിപ്പിച്ചത്. താമരശ്ശേരി സ്വദേശി അബ്ദുള്ളയുടെ ഉടമസ്ഥതയിലാണ് റിസോര്‍ട്ട്. റിസോര്‍ട്ട് നിര്‍മിച്ചിരിക്കുന്നത് സ്വകാര്യ ഭൂമിയോട് ചേര്‍ന്നുള്ള പത്തേക്കറിലാണെന്ന് വനംവകുപ്പ് നേരത്തെ കണ്ടെത്തിയിരുന്നു.

ഭൂമി അളന്ന് തിട്ടപ്പെടുത്തിയതോടെ ഇക്കാര്യത്തില്‍ സ്ഥിരീകരണമാവുകയും ചെയ്തു. ഇതോടെയാണ് നടപടികളിലേക്ക് കടന്നത്. എന്നാല്‍ വനംവകുപ്പ് ഏറ്റെടുത്തിരിക്കുന്നത് റിസോര്‍ട്ടല്ലെന്നും ഒരു വീടാണെന്നും പ്രദേശവാസികള്‍ ആരോപിച്ചു. പിടിച്ചെടുത്ത സ്ഥലം നേരത്തെ കാര്‍ഷിക പട്ടയം ലഭിച്ചതാണെന്നും നിയമ നടപടികള്‍ സ്വീകരിക്കുമെന്നും അവര്‍ പറഞ്ഞു. കയ്യേറ്റ ഒഴിപ്പിക്കലിനെതിരെ നേരത്തെയും പ്രദേശത്ത് പ്രതിഷേധങ്ങള്‍ ഉയര്‍ന്നിരുന്നു.



Share this News Now:
  • Google+
Like(s): 58