26 April, 2018 12:41:33 PM


വീട്ടമ്മയെ മദ്യം കുടിപ്പിച്ച്‌ പീഡിപ്പിച്ചതായി പരാതി

കൊടുവള്ളിയില്‍ അയല്‍വാസി ഉള്‍പ്പെടെ ആറംഗ സംഘത്തിന്‍റെ ക്രൂരത



കോഴിക്കോട്: മുപ്പത്തിയഞ്ചുകാരിയായ വീട്ടമ്മയെ നിര്‍ബന്ധിച്ച്‌ മദ്യം കുടിപ്പിച്ച്‌ പീഡിപ്പിച്ചതായി പരാതി. കോഴിക്കോട് കൊടുവള്ളിക്കടുത്ത് കഴക്കോത്ത് പന്നൂരിലാണ് വീട്ടമ്മ അയല്‍വാസി ഉള്‍പ്പെടെ ആറംഗ സംഘത്തിന്‍റെ ക്രൂരതയ്ക്ക് ഇരയായത്.


ജനുവരി 30 നാണ് പീഡനം നടന്നത്. എന്നാല്‍ സംഭവത്തില്‍ മാനസികമായി തകര്‍ന്ന യുവതി കഴിഞ്ഞ ദിവസമാണ് ഭര്‍ത്താവിനോട് സംഭവം വെളിപ്പെടുത്തിയത്. ഇതോടെ കഴിഞ്ഞ ചൊവാഴ്ച കൊടുവള്ളി പോലീസില്‍ പരായതി നല്‍കുകയായിരുന്നു. അയല്‍വാസി ഉള്‍പ്പെടെ ആറംഗ സംഘം ഒരു രാത്രി മുഴുവന്‍ പീഡനത്തിനിരയാക്കിയതായാണ് യുവതിയുടെ പരാതിയില്‍ പറയുന്നത്.


പരാതി ലഭിച്ച്‌ ഒരു ദിവസത്തിനുശേഷമാണ് പോലീസ് യുവതിയെ വൈദ്യപരിശോധനയ്ക്ക് കൊണ്ടുപോയതെന്ന് ബന്ധുക്കള്‍ ആരോപിച്ചു. പ്രതികള്‍ക്ക് രക്ഷപ്പെടാന്‍ അവസരമൊരുക്കാനാണ് കേസെടുക്കുന്നത് വൈകിപ്പിച്ചതെന്നും ആരോപണമുണ്ട്. പ്രതികള്‍ ഒളിവിലാണെന്നാണ് റിപ്പോര്‍ട്ട്.



Share this News Now:
  • Google+
Like(s): 281