17 April, 2018 12:26:32 PM


വി​വാ​ഹ ച​ട​ങ്ങി​നെ​ത്തി​യ എ​ട്ടു വ​യ​സു​കാ​രി​യെ പീ​ഡി​പ്പി​ച്ചു കൊ​ല​പ്പെ​ടു​ത്തി

സംഭവത്തില്‍ പതിനെട്ട്കാരന്‍ അറസ്റ്റില്‍



ലക്‌നൗ: കത്വ സംഭവത്തിന് പിന്നാലെ  എട്ടു വയസുകാരിയായ മറ്റൊരു പെണ്‍കുട്ടി കൂടി ക്രൂരമായി കൊല്ലപ്പെട്ടു. മാതാപിതാക്കളോടൊപ്പം ബന്ധുവിന്‍റെ വിവാഹ ചടങ്ങില്‍ പങ്കെടുക്കാന്‍ എത്തിയ കുട്ടിയാണ് ക്രൂരമായ പീഡനത്തിനിരയായി കൊല്ലപ്പെട്ടത്. സംഭവത്തില്‍ കുറ്റക്കാരനായ സോനുവിനെ (18) പൊലീസ് അറസ്‌റ്റു ചെയ്‌തു.

ഇന്ന് പുലര്‍ച്ചെ 1.30നായിരുന്നു സംഭവം. വിവാഹ സല്‍ക്കാരത്തിനിടെ മാതാപിതാക്കളുടെ കണ്ണു വെട്ടിച്ച്‌ സോനു കുട്ടിയെ അടുത്തുള്ള ആളൊഴിഞ്ഞ വീട്ടിലക്ക് കൊണ്ടു പോവുകയായിരുന്നു. പീഡനത്തിന് ശേഷം കഴുത്ത് ഞെരിച്ചാണ് ഇയാള്‍ കുട്ടിയെ കൊലപ്പെടുത്തിയത്. പിന്നീട് മദ്യപിച്ച്‌ ബോധരഹിതനായ അവസ്ഥയില്‍ കുട്ടിയുടെ മൃതദേഹത്തിനടുത്തു നിന്നും തന്നെയാണ് ഇയാളെ പൊലീസ് കണ്ടെത്തിയത്. പോസ്‌കോ നിയമ പ്രകാരം ഇയാള്‍ക്കെതിരെ കേസെടുത്തിട്ടുണ്ട്. 
കത്വ സംഭവത്തിന് ശേഷം രാജ്യത്ത് മൂന്നാമത്തെ പെണ്‍കുട്ടിയാണ് പീഡനത്തിനിരയായി ക്രൂരമായി കൊല്ലപ്പെടുന്നത്.



Share this News Now:
  • Google+
Like(s): 227