10 April, 2018 11:18:10 AM


യുവാവിന്‍റെ കസ്റ്റഡി മരണം: ബിജെപി പ്രവര്‍ത്തകരുടെ പ്രതിഷേധം ശക്തം

ഹ​ർ​ത്താ​ലി​ൽ പരക്കെ അ​ക്ര​മം



കൊച്ചി: വരാപ്പുഴയില്‍ പൊലീസ് കസ്റ്റഡിയില്‍ യുവാവ് മരിച്ച സംഭവത്തില്‍ ബിജെപി പ്രവര്‍ത്തകരുടെ പ്രതിഷേധം ശക്തം. ശ്രീ​ജി​ത്തി​ന്‍റെ ക​സ്റ്റ​ഡി മ​ര​ണ​ത്തി​ൽ പ്ര​തി​ഷേ​ധി​ച്ചു വ​രാ​പ്പു​ഴ​യി​ൽ ബി​ജെ​പി ന​ട​ത്തു​ന്ന ഹ​ർ​ത്താ​ലി​ൽ പരക്കെ അ​ക്ര​മം. മണ്ഡലത്തിലെ വിവിധയിടങ്ങളിൽ ഹർത്താൽ അനുകൂലികൾ അഴിഞ്ഞാടി. വരാപ്പുഴയിൽ കൈക്കുഞ്ഞുമായി പോയ യുവാവിനെ ഹർത്താൽ അനുകൂലികൾ വളഞ്ഞിട്ട് മർദ്ദിച്ചു. ഇതുവഴി പോയ ബൈ​ക്ക് യാ​ത്ര​ക്കാ​ര​നെയും ബി​ജെ​പി പ്ര​വ​ർ​ത്ത​ക​ർ സംഘം ചേ​ർ​ന്നു മ​ർ​ദി​ച്ചു. 


രാ​വി​ലെ മു​ത​ൽ പ്ര​ദേ​ശ​ത്ത് സം​ഘ​ർ​ഷ സാ​ധ്യ​ത നി​ല​നി​ൽ​ക്കു​ക​യാ​ണ്. വാ​ഹ​ന​ങ്ങ​ൾ ത​ട​യു​ന്ന​തി​നാ​ൽ വ​ലി​യ ഗ​താ​ഗ​ത കു​രു​ക്കും പ്ര​ദേ​ശ​ത്ത് അ​നു​ഭ​വ​പ്പെ​ടു​ന്നു​ണ്ട്.പരീക്ഷയെഴുതാൻ പോയ വിദ്യാർഥിനികളെയും പ്രവർത്തകർ തടയുകയും അസഭ്യവർഷം നടത്തുകയും ചെയ്തു. വിദ്യാർഥിനികളോട് മടങ്ങിപ്പോകാൻ ആവശ്യപ്പെട്ട പ്രവർത്തകർ അടിച്ചുകൊന്നുകളയുമെന്ന് ഭീഷണിപ്പെടുത്തുകയും ചെയ്തു.

പ്ര​ദേ​ശ​ത്ത് നി​ല ശാ​ന്ത​മാ​ക്കാ​ൻ പോ​ലീ​സ് സ​ന്നാ​ഹം ആ​വ​ശ്യ​ത്തി​നി​ല്ലെ​ന്നും ആ​ക്ഷേ​പ​മു​ണ്ട്. ബി​ജെ​പി​യു​ടെ നേ​തൃ​ത്വ​ത്തി​ൽ പ​റ​വൂ​രി​ൽ​നി​ന്ന് പ്ര​തി​ഷേ​ധ പ്ര​ക​ട​നം വ​രാ​പ്പു​ഴ എ​സ്എ​ൻ​ഡി​പി ജം​ഗ്ഷ​നി​ലേ​ക്കു സം​ഘ​ടി​പ്പി​ച്ചു. വ​രാ​പ്പു​ഴ സ്റ്റേ​ഷ​നിലേ​ക്കു മാ​ർ​ച്ച് ന​ട​ത്തുമെന്നും ബി​ജെ​പി​ നേതാക്കൾ അറിയിച്ചിട്ടുണ്ട്. 

പോ​സ്റ്റു​മോ​ർ​ട്ട​ത്തി​നു ശേ​ഷം വി​ട്ടു കി​ട്ടു​ന്ന ശ്രീജി​ത്തി​ന്‍റെ മൃ​ത​ദേ​ഹ​വു​മാ​യി പ്ര​തി​ഷേ​ധം ന​ട​ത്തു​മെ​ന്നും പ്ര​വ​ർ​ത്ത​ക​ർ അ​റി​യി​ച്ചു. കോ​ണ്‍​ഗ്ര​സി​ന്‍റെ നേ​തൃ​ത്വ​ത്തി​ലും ശ്രീ​ജി​ത്തി​ന്‍റെ മ​ര​ണ​ത്തി​ലു​ള്ള പ്ര​തി​ഷേ​ധം ശ​ക്ത​മാ​കു​ന്നു​ണ്ട്. രാ​വി​ലെ കോ​ണ്‍​ഗ്ര​സും സ്റ്റേ​ഷ​നി​ലേ​ക്കു മാ​ർ​ച്ച് ന​ട​ത്തി. വി.​ഡി. സ​തീ​ശ​ൻ എം​എ​ൽ​എ അ​ട​ക്ക​മു​ള്ള​വ​രു​ടെ നേ​തൃ​ത്വ​ത്തി​ലാ​ണ് മാ​ർ​ച്ച് ന​ട​ത്തി​യ​ത്.

 ദേവസ്വംപാടം ഷേണായി പറമ്പില്‍ രാമകൃഷ്ണ​​​​ന്‍റെ മകന്‍ ശ്രീജിത്താണ് (26) മരിച്ചത്.  ദേവസ്വംപാടം കുളമ്പുകണ്ടം വീട്ടില്‍ വാസുദേവന്‍ തൂങ്ങിമരിച്ച സംഭവത്തില്‍ പത്താം പ്രതിയായ ശ്രീജിത്തിനെ വെള്ളിയാഴ്ച രാത്രിയോടെ പോലീസ് കസ്റ്റഡിയില്‍ എടുക്കുകയായിരുന്നു. ശനിയാഴ്ച മറ്റുപ്രതികള്‍ക്കൊപ്പം റിമാന്‍ഡ് ചെയ്യാന്‍ മജിസ്ട്രേറ്റിന്​ മുന്നിലെത്തിച്ചെങ്കിലും സമയം കഴിഞ്ഞതിനാല്‍ നിരസിച്ചു. തുടര്‍ന്ന് വരാപ്പുഴ ജയിലിലേക്ക്​ കൊണ്ടുപോകുകയായിരുന്നു

.

വയറുവേദന ഉള്ളതായി ശ്രീജിത്ത് അറിയിച്ചെങ്കിലും പൊലീസ് ഗൗരവത്തിലെടുത്തില്ല. വേദന അസഹനീയമായ സ്ഥിതിയില്‍ പുലര്‍ച്ച രണ്ടരയോടെയാണ് ശ്രീജിത്തിനെ പൊലീസ് കളമശ്ശേരി മെഡിക്കല്‍ കോളജിലെത്തിച്ചത്. ഇവിടെ പ്രാഥമിക ചികിത്സക്കുശേഷം എറണാകുളം ജനറല്‍ ആശുപത്രിയിലേക്ക്​ മാറ്റി.


എന്നാല്‍, ആരോഗ്യസ്ഥിതി മോശമായതോടെ 3.45ഓടെ വിദഗ്ധ ചികിത്സക്ക്​ ചേരാനല്ലൂരിലെ ആസ്​റ്റര്‍ മെഡ്​സിറ്റിയിലേക്ക്​ മാറ്റി. ശനിയാഴ്ച രാവിലെ ഒമ്പതോടെ അടിയന്തര ശസ്ത്രക്രിയക്ക് വിധേയനാക്കി. എന്നാല്‍, ബോധം വീണ്ടെടുക്കാനായില്ല. പോലീസ് മര്‍ദ്ദനമാണ് ശ്രീജിത്തിന്‍റെ മരണകാരണമെന്ന് ആരോപിച്ച്‌ ബന്ധുക്കളും നാട്ടുകാരും രംഗത്തെത്തിയിട്ടുണ്ട്.



Share this News Now:
  • Google+
Like(s): 21