09 April, 2018 01:41:36 PM


ദില്ലിയിലെ ഷൂ ഫാക്ടറിയില്‍ വന്‍ തീപിടുത്തം: നാലു മരണം

നാലു പേര്‍ക്കു പൊള്ളലേറ്റു



ദില്ലി: ദില്ലിയിലെ ഷൂ ഫാക്ടറിയിലുണ്ടായ വന്‍ തീപിടുത്തത്തില്‍ നാലു പേര്‍ മരിച്ചു. തിങ്കളാഴ്ച രാവിലെയാണ് സുല്‍ത്താന്‍പൂരി പ്രദേശത്തെ ഷൂ ഫാക്ടറിയില്‍ തീപിടുത്തമുണ്ടായത്. പരിക്കേറ്റവര്‍ ഗാന്ധി സ്മാരക ആശുപത്രിയിലാണ്.


രാവിലെ ആറു മണിയോടെയാണ് അഗ്നിരക്ഷാ സേനയ്ക്ക് അപകടം സംബന്ധിച്ച്‌ മുന്നറിയിപ്പ് കിട്ടിയത്. തുടര്‍ന്ന് 15 യൂണിറ്റ് ഫയര്‍ എഞ്ചിനുകള്‍ സ്ഥലത്തെത്തി. ഫാക്ടറിയിലെ തൊഴിലാളികളാണ് കൊല്ലപ്പെട്ടത്. കെട്ടിടത്തിന്റെ ഒന്നാം നണിലയില്‍ നിന്നാണ് തീ പടര്‍ന്നത്. ഈ സമയത്ത് 20 ഓളം പേര്‍ ഫാക്ടറിയില്‍ ഉണ്ടായിരുന്നു. തീപിടുത്തത്തിന്‍റെ കാരണം വ്യക്തമായിട്ടില്ല.



Share this News Now:
  • Google+
Like(s): 148