09 April, 2018 09:25:26 AM


കോമണ്‍വെൽത്ത് ഗെയിംസ്: ഷൂട്ടിംഗിൽ ജിത്തുറായിക്കു സ്വർണം

ഗെയിംസിൽ ഇന്ത്യയുടെ സ്വർണനേട്ടം എട്ടായി




ഗോൾഡ്കോസ്റ്റ്: കോമണ്‍വെൽത്ത് ഗെയിംസിൽ അഞ്ചാം ദിനവും ഇന്ത്യയുടെ മെഡൽവേട്ട തുടരുന്നു. 10 മീറ്റർ എയർ പിസ്റ്റൾ ഷൂട്ടിംഗിൽ ജിത്തുറായിക്ക് സ്വർണം ലഭിച്ചു. ഈ ഇനത്തിൽ ഇന്ത്യയുടെ ഓം മിതർവാളിനാണ് വെങ്കലവും ലഭിച്ചത്. വനിതകളുടെ 10 മീറ്റർ ഷൂട്ടിംഗിൽ മെഹൂലി ഘോഷ് വെള്ളിയും അപൂർവി ചണ്ഡീല വെങ്കലവും നേടി. ഗെയിംസിൽ എട്ടു സ്വര്‍ണവും നാല് വെള്ളിയും അഞ്ച് വെങ്കലവുമായി മൂന്നാം സ്ഥാനത്താണ് ഇന്ത്യ ഇപ്പോൾ. 

ഗെയിംസിന്‍റെ അഞ്ചാം ദിവസമായ ഇന്ന് ഭാ​രോ​ദ്വ​ഹ​ന​ത്തി​ല്‍ വെ​ള്ളി​ത്തി​ള​ക്കം നേടിയാണ് ഇന്ത്യ മെഡൽവേട്ടയ്ക്ക് തുടക്കം കുറിച്ചത്. പു​രു​ഷ​ന്മാ​രു​ടെ 105 കി​ലോ​ഗ്രാം ഭാ​രോ​ദ്വ​ഹ​ന​ത്തി​ല്‍ പ്ര​തീ​പ് സിം​ഗാണ് വെ​ള്ളി നേ​ടിയത്. ഗെയിംസിൽ എട്ടു സ്വര്‍ണവും മൂന്നു വെള്ളിയും നാല് വെങ്കലവുമായി മൂന്നാം സ്ഥാനത്താണ് ഇന്ത്യ ഇപ്പോൾ.



Share this News Now:
  • Google+
Like(s): 121