Breaking News
മെട്രോ സര്‍വീസ് നിര്‍ത്തിവെച്ചു; ട്രെയിന്‍ ഗതാഗതം സ്തംഭിച്ചു... മുൻ ഇന്ത്യൻ ക്രിക്കറ്റ് ടീം ക്യാപ്റ്റൻ അജിത് വദേക്കർ അന്തരിച്ചു... സ്കൂളുകളിലെ ഓണപ്പരീക്ഷകള്‍ മാറ്റിവെച്ചു... സംസ്ഥാനത്തെ വിദ്യാഭ്യാസ സ്ഥാപനങ്ങള്‍ക്ക് വ്യാഴാഴ്ച അവധി... നെടുമ്പാശേരി വിമാനത്താവളത്തില്‍ നിന്ന് ശനിയാഴ്ച വരെ സര്‍‌വീസുകള്‍ ഉണ്ടാവില്ല... ഭാരതപ്പുഴ കര കവിഞ്ഞതോടെ പട്ടാമ്പി പാലത്തിലൂടെ ഗതാഗതം നിരോധിച്ചു... നെടുമ്പാശ്ശേരി വിമാനത്താവളത്തിൽ രണ്ട് മണി വരെ വിമാന സർവീസ് നിർത്തിവച്ചു... മുല്ലപ്പെരിയാര്‍ അണക്കെട്ട് തുറന്നു; 13 ഷട്ടറുകളിലൂടെ സ്പില്‍ വേ വഴി വെള്ളം പുറത്തേക്ക്... കവി ചെമ്മനം ചാക്കോ അന്തരിച്ചു... വ്യവസായ മന്ത്രിയായി ഇപി ജയരാജന്‍ സത്യപ്രതിജ്ഞ ചെയ്തു... ജലന്ധര്‍ ബിഷപ്പിനെ അറസ്റ്റ് ചെയ്യാതെ അന്വേഷണസംഘം മടങ്ങി... നിറപുത്തരി പൂജക്കായി ശബരിമല നട ഇന്ന് തുറക്കും; തീർത്ഥാടകർക്ക് വിലക്ക്... പാക്ക് നടിയും മോഡലുമായ രേഷ്മ കൊല്ലപ്പെട്ടു...

18 March, 2018 01:43:21 PM


ബാങ്കുകളില്‍ അവകാശികളില്ലാതെ കിടക്കുന്നത് 11,302 കോടി രൂപ

ഏറ്റവും കൂടുതൽ എസ് ബി ഐ യിൽ - 1262 കോടി




ദില്ലി: രാജ്യത്തെ ബാങ്കുകളില്‍ അവകാശികളില്ലാതെ കിടക്കുന്നത് 11,302 കോടി രൂപ. എസ്ബിഐയിലാണ് ഏറ്റവും കൂടുതല്‍ പണം അവകാശികളില്ലാതെ കിടക്കുന്നത്. 1262 കോടി രൂപയാണ് ഇവിടെ അവകാശികളെത്താതെ വിവിധ അക്കൗണ്ടുകളിലുള്ളത്. റിസര്‍വ്വ് ബാങ്ക് അധികൃതരാണ് ഇതു സംബന്ധിച്ച കണക്കുകള്‍ പുറത്തു വിട്ടിരിക്കുന്നത്.

പത്ത് വര്‍ഷത്തിലധികമായി ഉടമകളെത്താത്ത അക്കൗണ്ടുകളിലുള്ള തുകയാണ് അവകാശികളില്ലാത്ത പണമായി ബാങ്ക് കണക്കാക്കുന്നത്. സാധാരണയായി ഉടമകള്‍ മരിച്ചുപോകുകയോ മറ്റ് നോമിനികള്‍ ഇല്ലാതിരിക്കുകയോ ചെയ്യുമ്പോഴാണ് ഇങ്ങനെ അവകാശികളില്ലാതാകുന്നത്.

ഒന്നില്‍ കൂടുതല്‍ അക്കൗണ്ടുകള്‍ ഉള്ളവര്‍ പണം നിക്ഷേപിച്ച ശേഷം പിന്നീട് അന്വേഷിക്കാതിരിക്കുമ്പോഴും ഇങ്ങനെ അവകാശികളില്ലാത്ത പണം കണക്കുകൂട്ടുന്നു. അതേസമയം ബിനാമി അക്കൗണ്ടുകളില്‍ നിക്ഷേപിച്ച തുകയല്ല ഇതെന്ന് റിസര്‍വ്വ് ബാങ്ക് അധികൃതര്‍ വ്യക്തമാക്കുന്നു.

എസ്ബിഐയ്ക്കു ശേഷം തൊട്ടുതാഴെ ഏറ്റവും കൂടുതല്‍ പണമുള്ളത് പഞ്ചാബ് നാഷണല്‍ ബാങ്കിലാണ്. 1250 കോടി രൂപയാണ് ഇവിടെയുള്ളത്. മറ്റ് ബാങ്കുകളില്‍ 7040 കോടി രൂപയാണ് അവകാശികളില്ലാതെ കിടക്കുന്നത്. എച്ച്ഡിഎഫ്‌സി, ആക്‌സിസ് ബാങ്ക്, കോട്ടക് മഹീന്ദ്ര തുടങ്ങിയ സ്വകാര്യ ബാങ്കുകളിലും 1416 കോടി രൂപ അവകാശികളില്ലാത്തതായി കണ്ടെത്തിയിട്ടുണ്ട്.

അതേസമയം നിലവില്‍ അവകാശികളില്ലാത്തതായി കണക്കുകൂട്ടിയിരിക്കുന്ന അക്കൗണ്ടുകളുടെ ഉടമകള്‍ എപ്പോഴെങ്കിലും പണത്തിന് അവകാശ വാദം ഉന്നയിച്ചാല്‍ അത് ലഭിക്കുമെന്നും റിസര്‍വ്വ് ബാങ്ക് അധികൃതര്‍ വ്യക്തമാക്കി. പത്ത് വര്‍ഷത്തില്‍ കൂടുതല്‍ ഉപയോഗിക്കാതിരുന്നാല്‍ അക്കൗണ്ട് നിര്‍ജ്ജീവമാകുമെന്നാണ് ബാങ്കുകളുടെ നിയമമെങ്കിലും നിക്ഷേപകര്‍ പണത്തിന് അവകാശമുന്നയിച്ചാല്‍ അതംഗീകരിച്ചു നല്‍കും.



Share this News Now:
  • Google+
Like(s): 157