10 February, 2018 11:59:36 AM


ജമ്മു കശ്മീരില്‍ സൈനിക കാമ്പിനു നേരെ ഭീകരാക്രമണം ; മൂന്നു സൈനികര്‍ക്ക് വീരമൃത്യു

ഒരു ജവാനും അദ്ദേഹത്തിന്‍റെ കുടുംബാംഗത്തിനും പരിക്കേറ്റു



ജമ്മു: സുജ്വാനില്‍ സൈനിക കാമ്പിനു നേരെ നടന്ന ഭീകരാക്രമണത്തില്‍ മൂന്നു സൈനികര്‍ കൊല്ലപ്പെട്ടു. ഇന്ന് പുലര്‍ച്ചെയാണ് സൈനിക കാമ്പിലെ ഫാമിലി ക്വാര്‍ട്ടേഴ്സിലേക്ക് രണ്ടു ഭീകരര്‍ നുഴഞ്ഞു കയറി വെടിവെപ്പ് തുടങ്ങിയത്. ആക്രമണത്തില്‍ ഒരു ജവാനും അദ്ദേഹത്തിന്‍റെ കുടുംബാംഗത്തിനും പരിക്കേറ്റതായി റിപ്പോര്‍ട്ടുകളുണ്ട്.


ഒന്നിലേറെ ഭീകരവാദികള്‍ ക്യാമ്പിനുള്ളില്‍ കടന്നിട്ടുണ്ടെന്ന് സംശയിക്കുന്നതായി ക്വോട്ടേഴ്സിലെ ജീവനക്കാര്‍ അറിയിച്ചു.ഭീകരര്‍ക്കായി സൈന്യം ശക്തമായ തിരിച്ചില്‍ ആരംഭിച്ചിട്ടുണ്ട്. പ്രദേശത്ത് ഇപ്പോഴും ഏറ്റുമുട്ടല്‍ തുടരുകയാണ്



Share this News Now:
  • Google+
Like(s): 154