06 February, 2018 01:10:48 PM


ശ്രീനഗറില്‍ ആശുപത്രിയില്‍ വെടിവെപ്പ്; ഒരു പോലീസുകാരന്‍ കൊല്ലപ്പെട്ടു

പാകിസ്താനി തടവുകാരന്‍ രക്ഷപ്പെട്ടു



ശ്രീനഗര്‍: ജമ്മു കശ്മീരിലെ ശ്രീനഗറില്‍ ആശുപത്രിയിലുണ്ടായ വെടിവെപ്പില്‍ ഒരു പോലീസുകാരന്‍ കൊല്ലപ്പെട്ടു. രണ്ടുപേര്‍ക്ക് പരിക്കേറ്റിട്ടുണ്ട്. ആശുപത്രിയില്‍ ചികിത്സയ്ക്കെത്തിച്ച പാകിസ്താനി തടവുകാരനെ രക്ഷപ്പെടുത്തുന്നതിനാണ് ഭീകരര്‍ ആക്രമണം നടത്തിയത്. തടവുകാരന് സുരക്ഷയ്ക്കുണ്ടായിരുന്ന പോലീസുകാര്‍ക്കു നേരെയാണ് വെടിവെപ്പുണ്ടായതെന്ന് വാര്‍ത്താ ഏജന്‍സി റിപ്പോര്‍ട്ട് ചെയ്തു.


ശ്രീനഗറിലെ ശ്രീ മഹാരാജ ഹരിസിങ് ആസ്പത്രിയിലാണ് ആക്രമണമുണ്ടായത്. പാക് തടവുകാരന്‍ നവീദ് ആണ് രക്ഷപ്പെട്ടത്. ആശുപത്രിയിലുണ്ടായിരുന്ന പോലീസിനു നേരെ തീവ്രവാദികള്‍ തുടര്‍ച്ചയായി വെടിവയ്ക്കുകയായിരുന്നു. ഏറ്റുമുട്ടലിനിടയിലാണ് തടവുകാരന്‍ രക്ഷപ്പെട്ടത്.തടവുകാരന്‍ പോലീസുകാരുടെ തോക്ക് പിടിച്ചെടുത്ത് വെടിവെക്കുകയായിരുന്നെന്നും റിപ്പോര്‍ട്ടുണ്ട്. പരിക്കേറ്റ പോലീസുകാരില്‍ ഒരാളുടെ നില ഗുരുതരമാണ്.



Share this News Now:
  • Google+
Like(s): 35