27 January, 2018 10:39:46 AM


മലയാളി താരം സഞ്ജുവിന് പൊന്നും വില ; എട്ട് കോടി രൂപയ്ക്ക് രാജസ്ഥാന്‍ റോയല്‍സ് സ്വന്തമാക്കി

മുംബൈ ഇന്ത്യന്‍സും താരത്തിനായി രംഗത്തുവന്നു



ബംഗളൂരു: ഐപിഎല്‍ പതിനൊന്നാം സീസണിലെ താരലേലത്തില്‍ മലയാളി താരം സഞ്ജു വി സാംസണെ പൊന്നും വില. എട്ട് കോടി രൂപയ്ക്കാണ് സഞ്ജുവിനെ രാജസ്ഥാന്‍ റോയല്‍സ് സ്വന്തമാക്കിയത്.ഒരു കോടി രൂപ അടിസ്ഥാന വിലയുള്ള സഞ്ജുവിനായി ടീമുകള്‍ ഒപ്പത്തിനൊപ്പം നിന്നതോടെയാണ് താരത്തിന്‍റെ മൂല്യം കുതിച്ചുയര്‍ന്നത്. മുംബൈ ഇന്ത്യന്‍സും താരത്തിനായി രംഗത്തുവന്നിരുന്നു.

361 ഇന്ത്യക്കാരടക്കം 580 താരങ്ങളാണ് ലേലത്തില്‍ ഉള്‍പ്പെട്ടിട്ടുള്ളത്. ഇതില്‍ 16 താരങ്ങള്‍ രണ്ടു കോടി അടിസ്ഥാന വിലയുള്ള മുന്‍നിര ലിസ്റ്റില്‍ ഉള്‍പ്പെട്ടിട്ടുണ്ട്. മാര്‍ക്വീ താരങ്ങളായ ഇവര്‍ക്കാണ് ലേലത്തില്‍ മുന്‍ഗണന. ഓരോ ടീമുകള്‍ക്കും ചുരങ്ങിയത് 18 താരങ്ങളേയും പരമാവധി 25 താരങ്ങളേയും സ്വന്തമാക്കാം. ഇന്നും നാളെയുമായി ബംഗളൂരുവിലാണ് താരലേലം നടക്കുക. രണ്ട് വര്‍ഷത്തെ വിലക്കിന് ശേഷം ചെന്നൈ സൂപ്പര്‍ കിംഗ്സും രാജസ്ഥാന്‍ റോയല്‍സും ഈ സീസണില്‍ തിരിച്ചെത്തും



Share this News Now:
  • Google+
Like(s): 177