19 January, 2018 02:35:39 PM


കണ്ണൂരില്‍ എബിവിപി പ്രവര്‍ത്തകന്‍ വെട്ടേറ്റു മരിച്ചു

കൊല്ലപ്പെട്ടത് കാക്കയങ്ങാട് ഗവ ഐടിഐ വിദ്യാര്‍ഥി



കണ്ണൂര്‍: പേരാവൂരിനടുത്ത് നെടുംപൊയിലില്‍ ആര്‍എസ്‌എസ് പ്രവര്‍ത്തകനെ വെട്ടിക്കൊന്നു. കാക്കയങ്ങാട് ഗവ ഐടിഐ വിദ്യാര്‍ഥി ശ്യാമപ്രസാദാണ് (24) മരിച്ചത്. ഗു​രു​ത​ര​മാ​യി പ​രി​ക്കേ​റ്റ ശ്യാ​മ​പ്ര​സാ​ദി​നെ ആ​ശു​പ​ത്രി​യി​ല്‍ എ​ത്തി​ച്ചെങ്കിലും ര​ക്ഷി​ക്കാ​നാ​യി​ല്ല. വൈ​കി​ട്ട് ആ​റോ​ടെ​ തലശ്ശേരി - കൊട്ടിയൂര്‍ റോഡില്‍ നെടുംപൊയിലിനു സമീപം കൊമ്മേരി ഗവ. ആടു വളര്‍ത്തു കേന്ദ്രത്തിനു സമീപത്തുവച്ചാണ് ആ​ക്ര​മ​ണമുണ്ടായത്. ബൈ​ക്കി​ല്‍ സ​ഞ്ച​രി​ക്ക​വെ​ പിന്‍തുടര്‍ന്നു കാറിലെത്തിയ മുഖംമൂടി സം​ഘം ശ്യാ​മ​പ്ര​സാ​ദി​നെ ആ​ക്ര​മിക്കുകയായിരുന്നു.

വെട്ടേറ്റ ശ്യാംപ്രസാദ് സമീപത്തെ വീട്ടിലേക്ക് ഓടിക്കയറി. എന്നാല്‍ വരാന്തയില്‍ വെച്ച്‌ വെട്ടി വീഴ്ത്തുകയായിരുന്നു. ആശുപത്രിയിലേക്ക് കൊണ്ടു പോകും വഴിയാണ് യുവാവ് മരിച്ചത്. മൃതദേഹം കൂത്തുപറമ്പ് സര്‍ക്കാര്‍ ആശുപത്രിയില്‍ സൂക്ഷിച്ചിരിക്കുകയാണ്. മൂന്നു പേരാണു സംഘത്തിലുണ്ടായിരുന്നതെന്ന് ദൃക്സാക്ഷികള്‍ പറയുന്നു. പിന്നീട് കാറില്‍ത്തന്നെ അക്രമികള്‍ രക്ഷപ്പെട്ടു. സംഭവത്തില്‍ പൊലീസ് അന്വേഷണം ആരംഭിച്ചു.പ്രദേശത്ത് സംഘര്‍ഷാവസ്ഥ തുടരുകയാണ്. എസ്ഡിപിഐ പ്രവര്‍ത്തകരാണ് കൊലപാതകത്തിന് പിന്നിലെന്ന് ബിജെപി ആരോപിച്ചു.




Share this News Now:
  • Google+
Like(s): 216