17 January, 2018 11:09:07 PM


ഇ​ന്ത്യ​ൻ സൂ​പ്പ​ർ ലീ​ഗ്: ജം​ഷ​ഡ്പു​രിന് മുന്നില്‍ ബ്ലാ​സ്റ്റേ​ഴ്സി​ന് തോ​ൽ​വി



ജം​ഷ​ഡ്പു​ർ: ഇ​ന്ത്യ​ൻ സൂ​പ്പ​ർ ലീ​ഗി​ന്‍റെ ച​രി​ത്ര​ത്തി​ലെ ഏ​റ്റ​വും വേ​ഗ​മേ​റി​യ ഗോ​ളി​ലൂ​ടെ ജം​ഷ​ഡ്പു​ർ കേ​ര​ള​ത്തി​ന്‍റെ ക​ഥ​ക​ഴി​ച്ചു. വി​ജ​യ​മോ​ഹ​വു​മാ​യി ഉ​രു​ക്കി​ന്‍റെ നാ​ട്ടി​ലെ​ത്തി​യ ബ്ലാ​സ്റ്റേ​ഴ്സി​നെ ഒ​ന്നി​നെ​തി​രെ ര​ണ്ടു ഗോ​ളി​നാ​ണ് ജം​ഷ​ഡ്പു​ർ എ​ഫ്സി കീ​ഴ്പ്പെ​ടു​ത്തി​യ​ത്. ജെ​റി മാം​മിം​ഗ്താം​ഗ​യും അ​സിം ബി​ശ്വാ​സ‌ു​മാ​ണ് ജം​ഷ​ഡ്പു​രി​നാ​യി ഗോ​ൾ‌ നേ​ടി​യ​ത്. സി​ഫ്നി​യോ​സ് കേ​ര​ള​ത്തി​ന്‍റെ ആ​ശ്വാ​സ ഗോ​ൾ നേ​ടി.

ആ​ദ്യ പ​കു​തി​യി​ലാ​യി​രു​ന്നു ജം​ഷ​ഡ്പൂരിന്‍റെ രണ്ടു ഗോ​ളു​ക​ളും. സ്റ്റീ​വ് കോ​പ്പ​ലി​ന്‍റെ നി​ല​യു​റ​പ്പി​ക്കും മു​മ്പ് ത​റ​പ​റ്റി​ക്കു​ക​യെ​ന്ന ത​ന്ത്ര​മാ​ണ് കേ​ര​ള​ത്തെ വീ​ഴ്ത്തി​യ​ത്. കി​ക്കോ​ഫി​ന്‍റെ ആ​ദ്യ ട​ച്ചു ​മു​ത​ൽ കേ​ര​ള​ത്തി​ന്‍റെ പ​കു​തി​യി​ലേ​ക്ക് ജം​ഷ​ഡ്പു​ർ ഇ​ര​ച്ചു​ക​യ​റി. ഉ​രു​ക്കു​പോ​ലെ കേ​ര​ള​ത്തി​ന്‍റെ കോ​ട്ട ഇ​തു​വ​രെ കാ​ത്ത പ്ര​തി​രോ​ധ നി​ര​യുടെ പി​ഴ​വ് മു​ത​ലാ​ക്കിയായിരുന്നു ജം​ഷ​ഡ്പു​രിന്‍റെ മുന്നേറ്റം.

ക​ളി​യു​ടെ 22.6 സെ​ക്ക​ൻ​ഡി​ൽ ത​ന്നെ ഐ​എ​സ്എ​ലി​ലെ അ​തി​വേ​ഗ ഗോ​ൾ നേ​ടി ജം​ഷ​ഡ്പു​ർ കേ​ര​ള​ത്തെ ഞെ​ട്ടി​ച്ചു. ര​ണ്ടാം ഗോ​ൾ സെ​ൻ​ട്ര​ൽ ഡി​ഫ​ൻ​സി​ലെ ക​രു​ത്ത​നാ​യ സ​ന്ദേ​ശ് ജി​ങ്ക​ന്‍റെ പി​ഴ​വി​ൽ​ നി​ന്നാ​യി​രു​ന്നു. അ​വ​സ​രം കാ​ത്തു​നി​ന്ന അ​സിം ബി​ശ്വാ​സ് മി​ക​ച്ചൊ​രു ഷോ​ട്ടി​ലൂ​ടെ ര​ണ്ടാം ഗോ​ൾ സ്വ​ന്ത​മാ​ക്കി. ആ​ദ്യ​പ​കു​തി​യി​ൽ കേ​ര​ള​ത്തി​ന്‍റെ തി​രി​ച്ച​ടി ഹ്യൂ​മി​ന്‍റെ കി​ടി​ല​ൻ ഹെ​ഡ​റി​ൽ ഒ​തു​ങ്ങി. കോ​ർ​ണ​ർ​ കി​ക്കി​ന് പ​റ​ന്നു​ വ​ന്നു ഹ്യൂ ​ത​ല​ വ​ച്ചെ​ങ്കി​ലും നി​ർ​ഭാ​ഗ്യം കേ​ര​ള​ത്തെ പി​ടി​കൂ​ടി.

ര​ണ്ടാം പ​കു​തി​യി​ൽ ഗോ​ളി​നാ​യി കേ​ര​ളം ഇ​ര​ച്ചു​ക​യ​റി​യെ​ങ്കി​ലും ഒ​ത്തി​ണ​ക്കം കാ​ണാ​നാ​യി​ല്ല. ഹ്യൂ​മും വി​നീ​തും നി​റം​ മ​ങ്ങി​യ​തും കേ​ര​ള​ത്തി​നു വി​ന​യാ​യി. ര​ണ്ടാം പ​കു​തി​യു​ടെ അ​വ​സാ​നം ഹ്യൂ​മി​നെ വ​ലി​ച്ച് സി​ഫ്നി​യോ​സി​നെ ഇ​റ​ക്കി​യെ​ങ്കി​ലും വൈ​കി​യി​രു​ന്നു. ഇ​ഞ്ചു​റി ടൈ​മി​ൽ സി​ഫ്നി​യോ​സ് ഹെ​ഡ​റി​ലൂ​ടെ ആ​ശ്വാ​സ ഗോ​ൾ നേ​ടി. ജി​ങ്കാ​ന്‍റെ ക്രോ​സി​ൽ​നി​ന്നാ​യി​രു​ന്നു ഗോ​ൾ.



Share this News Now:
  • Google+
Like(s): 187