09 January, 2018 12:03:52 PM


സോളാര്‍ : പ്രത്യേക അന്വേഷണസംഘം ഉമ്മന്‍ചാണ്ടിയുടെ മൊഴിയെടുത്തു



തിരുവനന്തപുരം: സോളാര്‍ കേസുമായി ബന്ധപ്പെട്ട് മുന്‍ മുഖ്യമന്ത്രി ഉമ്മന്‍ചാണ്ടിയുടെ മൊഴിയെടുത്തു. പ്രത്യേക അന്വേഷണസംഘമാണ്  തുടരന്വേഷണത്തിന്‍റെ  ഭാഗമായി മൊഴി രേഖപ്പെടുത്തിയത്. ബി.ജെ.പി നേതാവ് കെ.സുരേന്ദ്രന്‍റെ പരാതിയുടെ അടിസ്ഥാനത്തിലാണ് നടപടി. സോളാര്‍ കേസില്‍ തന്നെ ബ്ലാക്ക് മെയില്‍ ചെയ്തെന്ന ഉമ്മന്‍ചാണ്ടിയുടെ പ്രസ്താവനയിലാണ് കെ.സുരേന്ദ്രന്‍ പരാതി നല്‍കിയത്.

തിരുവനന്തപുരത്ത് വെച്ചാണ് ഉമ്മന്‍ചാണ്ടിയുടെ മൊഴിയെടുത്തത്. സോളാര്‍ തുടരന്വേഷണത്തില്‍ ഇതാദ്യമായാണ് അദ്ദേഹത്തിന്‍റെ മൊഴിയെടുക്കുന്നത്. ബിജു രാധാകൃഷ്ണനുമായുള്ള കൂടിക്കാഴ്ചയുടെ വിവരങ്ങള്‍ താന്‍ പുറത്തുപറഞ്ഞില്ല. ഇതിന്‍റെ പേരില്‍ പലരും തന്നെ ബ്ലാക്ക്മെയില്‍ ചെയ്തുവെന്നും ഉമ്മന്‍ ചാണ്ടി പറഞ്ഞു. തന്നെ ഒരാള്‍ ബ്ലാക്ക്മെയില്‍ ചെയ്തുവെന്ന് ഉമ്മന്‍ ചാണ്ടി നേരത്തെ വെളിപ്പെടുത്തിയിരുന്നു.



Share this News Now:
  • Google+
Like(s): 106