08 January, 2018 11:19:02 AM


കൊച്ചി കുമ്പളത്ത് വീപ്പക്കുള്ളില്‍ നിന്നും അസ്ഥികൂടം കണ്ടെത്തി



കൊച്ചി : കൊച്ചി കുമ്പളത്ത് വീപ്പക്കുള്ളില്‍ മനുഷ്യന്‍റെ അസ്ഥികൂടം കണ്ടെത്തി. വീപ്പ കോണ്‍ക്രീറ്റ് ഇട്ടടച്ച ശേഷം കായലില്‍ തള്ളിയ നിലയിലായിരുന്നു. മൃതദേഹത്തിന് പത്ത് മാസത്തെ പഴക്കമുള്ളതായി സംശയിക്കുന്നു. സംഭവത്തില്‍ ദുരൂഹതയേറുന്നു. കൊലപാതകത്തിനു ശേഷം മൃതദേഹം വീപ്പയിലാക്കി കായലില്‍ തള്ളിയതാകാമെന്നാണ് സംശയിക്കുന്നത്. സംഭവത്തില്‍ പൊലീസ് അന്വേഷണം ആരംഭിച്ചു.


മൃതദേഹം മത്സ്യത്തൊഴിലാളികളാണ് കരയ്ക്കെത്തിച്ചത്. നെയ്യും ദുര്‍ഗന്ധവും പുറത്തുവന്നതിനെ തുടര്‍ന്ന് പത്തുമാസം മുമ്ബ് ഈ വീപ്പ ആദ്യം മത്സ്യത്തൊഴിലാളികളുടെ ശ്രദ്ധയില്‍ പെട്ടിരുന്നു. പിന്നീട് രണ്ടുമാസം മുമ്പാണ് ഡ്രഡ്ജിങ്ങിനിടയില്‍ വീപ്പ കരയ്ക്ക് എത്തിച്ചത്. ഇതിന് ശേഷവും വീപ്പയ്ക്കുള്ളില്‍നിന്ന് ദുര്‍ഗന്ധം വമിക്കുകയും ഉറുമ്പുകള്‍ എത്തുകയും ചെയ്തതിനെ തുടര്‍ന്നാണ് പൊലീസിന്‍റെ നേതൃത്വത്തില്‍ വീപ്പ പൊളിച്ച്‌ പരിശോധിച്ചത്. 





Share this News Now:
  • Google+
Like(s): 77