04 January, 2018 08:47:26 PM


കോട്ടയം പേരൂരില്‍ ആള്‍താമസമില്ലാത്ത വീട്ടില്‍ മോഷണം



കോട്ടയം: പേരൂര്‍ കിണറ്റുമൂട് തൂക്കുപാലത്തിന് സമീപം ആള്‍താമസമില്ലാത്ത വീട്ടില്‍ മോഷണം. കറുത്തേടം ജംഗ്ഷനില്‍ കരോട്ട്കുമ്മനത്തില്‍ വിനു വര്‍ഗ്ഗീസിന്‍റെ വീട്ടിലാണ് മോഷണം നടന്നത്. വീടിന്‍റെ മുന്നില്‍ വാതില്‍ കമ്പിപ്പാരയോ അതേപോലുള്ള മറ്റ് മാരകായുധങ്ങളോ ഉപയോഗിച്ച് തകര്‍ത്താണ് മോഷ്ടാക്കള്‍ വീടിനുള്ളില്‍ കയറിയതെന്നാണ് പ്രാഥമിക നിഗനമം.



കിടപ്പു മുറിയിലെയും ഊണുമുറിയിലെയും  അലമാരകളും ഡ്രസ്സിംഗ് ടേബിളിലെ ഡ്രോകളും  തുറന്ന നിലയിലാണ്. ആഭരണപ്പെട്ടിയും തുറന്നിട്ടുണ്ട്.  വിനുവും അമ്മയും മാത്രമാണ് ഇവിടെ താമസം. സ്വകാര്യ കമ്പ്യൂട്ടര്‍ സ്ഥാപനത്തില്‍ ജോലിക്കാരനായ വിനു അമ്മയ്ക്കൊപ്പം തിരുവനന്തപുരത്താണ് താമസം. ആഴ്ചാവസാനം വീട്ടിലെത്തുന്ന ഇവര്‍ തിങ്കളാഴ്ചയോടെ തിരുവനന്തപുരത്തേക്ക് മടങ്ങാറാണ് പതിവ്. അതുകൊണ്ടുതന്നെ മോഷണം നടന്നത് എപ്പോഴാണെന്ന് കൃത്യമായി അറിയാന്‍ സാധിച്ചിട്ടില്ല. വിനുവും അമ്മയും തിരുവനന്തപുരത്തു നിന്ന് എത്തിയശേഷം മാത്രമേ നഷ്ടപ്പെട്ടതെന്തൊക്കയാണെന്ന് അറിയാന്‍ കഴിയൂ.


ഇന്ന് വൈകുന്നേരം വിനുവിന്‍റെ ഇളയച്ഛന്‍റെ മകനാണ് വീടിന്‍റെ മുന്‍വാതില്‍ തുറന്ന നിലയില്‍ കിടക്കുന്നത് കണ്ടത്. തുടര്‍ന്ന് നാട്ടുകാരയും പോലീസിനെയും വിവരം അറിയിക്കുകയായിരുന്നു.  നാളെ വിരലടയാള വിദഗ്ധര്‍  സംഭവ സ്ഥലത്തെത്തും. ഏറ്റുമൂ‌ാനൂര്‍ പോലീസെത്തി മേല്‍ നടപടികള്‍ സ്വീകരിച്ചു. 




Share this News Now:
  • Google+
Like(s): 1325