04 January, 2018 12:52:21 PM


ലോകത്തിലെ ഏറ്റവും വിലപിടിപ്പുള്ള വോഡ്ക മോഷണം പോയി



കോപ്പന്‍ഹേഗന്‍: ലോകത്തെ ഏറ്റവും വില കൂടിയ വോഡ്ക പ്രദര്‍ശന സ്ഥലത്ത് നിന്ന് മോഷണം പോയി. 13 ലക്ഷം ഡോളര്‍ വിലയുള്ള ഒരു കുപ്പി വോഡ്കയാണ് മോഷണം പോയത്. കഫേ 33 ബാറില്‍ നിന്നാണ് ഇത് മോഷ് ടിക്കപ്പെട്ടത്. ബാറില്‍ നിന്ന് ആകെ നഷ് ടമായത് ഈ ഒരു കുപ്പി മദ്യം മാത്രമാണ്. റുസ്സോ-ബാള്‍ട്ടിക് ബ്രാന്‍ഡിലുള്ള വോഡ്ക ഉണ്ടാക്കിയത് മൂന്നു കിലോ സ്വര്‍ണവും അത്രയും തന്നെ വെള്ളിയും ഉപയോഗിച്ചാണെന്ന് ഡെന്മാര്‍ക്കിലെ ടിവി2 റിപ്പോര്‍ട്ട് ചെയ്യുന്നു. കൂടാതെ വജ്രം പതിപ്പിച്ചതാണ് കുപ്പിയുടെ അടപ്പ്.


ബാര്‍ ഉടമയായ ബ്രിയാന്‍ ഇങ്ബര്‍ഗിന് ഈ ബാറില്‍ 1200 വോഡ്ക കുപ്പികളുണ്ടായിരുന്നു. വിന്‍റേജ് കാറിന്‍റെ മുന്‍ഭാഗം പോലെയായിരുന്നു മോഷണം പോയ കുപ്പിയുടെ ആകൃതി. മദ്യകുപ്പി ഇന്‍ഷുര്‍ ചെയ്തിരുന്നില്ല. ലാത്വിയ ആസ്ഥാനമായുള്ള ഡാര്‍ട്സ് മോട്ടോര്‍ കമ്ബനിയില്‍ നിന്ന് വായ്പയായി വാങ്ങിയതാണ് ഈ വോഡ്കയെന്ന് ബ്രിയാന്‍ പറയുന്നു.പ്രദര്‍ശനത്തിനായി ബാറില്‍ വച്ചിരുന്നതാണ് ഈ കുപ്പി. റഷ്യന്‍ ആഡംബര കാര്‍ നിര്‍മ്മാതാക്കളായ റുസ്സോ ബാള്‍ട്ടിക്ക് കമ്പനി നൂറാം വര്‍ഷം പ്രമാണിച്ചാണ് ഈ വോഡ്ക കാറിന്‍റെ മാതൃകയില്‍ നിര്‍മ്മിച്ചത്.



Share this News Now:
  • Google+
Like(s): 153