03 January, 2018 10:55:37 AM


പാലോട്​ ഐ.എം.എയുടെ മാലിന്യപ്ലാന്‍റുമായി മുന്നോട്ട്​ പോകുമെന്ന്​ ആരോഗ്യമന്ത്രി



തിരുവനന്തപുരം: പാലോട്​ ഐ.എം.എയുടെ ആശുപത്രി മാലിന്യപ്ലാന്‍റുമായി മുന്നോട്ട്​ പോകുമെന്ന്​ ആരോഗ്യമന്ത്രി കെ.കെ ശൈലജ. ആശുപത്രി മാലിന്യം സംസ്​കരിക്കാന്‍ മറ്റ്​ വഴികളില്ല. പ്ലാന്‍റിന്​ നേരത്തെ അനുമതി നല്‍കിയതാണ്​​. വനംമന്ത്രി കൂടി പങ്കെടുത്ത യോഗത്തിലാണ്​ പ്ലാന്‍റിന്​ അനുമതി നല്‍കിയതെന്നും ശൈലജ പറഞ്ഞു.


​അതേ സമയം ഐ.എം.എയുടെ പ്ലാന്‍റിനെതിരെ പ്രദേശത്ത്​ പ്രതിഷേധം ശക്​തമാവുകയാണ്​. പരിസ്ഥിതി ലോല പ്രദേശത്തിനടുത്ത് പ്ലാന്‍റിന്​ അനുമതി നല്‍കരുതെന്നാണ്​ വനംവകുപ്പിന്‍റെ നിലപാട്​. പരിസ്ഥിതി സംഘടനകളും പ്ലാന്‍റിനെതിരെ ശക്​തമായി രംഗത്തുണ്ട്​.


പ്ലാന്‍റ്​ സ്ഥാപിക്കുന്ന പാലോട്​ തിരുവനന്തപുരം ജില്ലാ കളകട്​ര്‍ ബുധനാഴ്​ച സന്ദര്‍ശനം നടത്തും. പ്രദേശവാസികളുമായി പരിസ്ഥിതി സംഘടനകളുമായും കളക്​ടര്‍ പ്ലാന്‍റിനെ സംബന്ധിച്ച്‌​ ചര്‍ച്ച നടത്തും. ഇതിന്​ ശേഷം മാത്രമേ പ്ലാന്‍റിന്​ അന്തിമ അനുമതി നല്‍കു എന്നു കളക്​ടര്‍ വ്യക്​തമാക്കി.



Share this News Now:
  • Google+
Like(s): 196