02 January, 2018 09:03:09 PM


ചിങ്ങവനത്ത് റയില്‍വേ ട്രാക്കില്‍ ടോറസ് ലോറി കത്തി നശിച്ചു



കോട്ടയം: ചിങ്ങവനത്ത് റയില്‍വേ ട്രാക്കില്‍ ടോറസ് ലോറി കത്തി നശിച്ചു. ചൊവ്വാഴ്ച പകല്‍ മൂന്നര മണിയോടെ ചിങ്ങവനം പന്നിമറ്റം ഭാഗത്തായിരുന്നു ആയിരുന്നു അപകടം. റയില്‍വേയുടെ പാളം പണിക്ക് മെറ്റല്‍ ഇറക്കുന്ന കോണ്‍ട്രാക്ടറുടെ വക ലോറിയാണ് കത്തിയത്. മെറ്റല്‍ ഇറക്കുന്നതിന് പ്ലാറ്റ്ഫോറം പൊക്കിയപ്പോള്‍ പാളത്തിന് മുകളിലുള്ള ഇലക്ട്രിക് ലൈനില്‍ മുട്ടിയാണ് തീ പിടിച്ചത്. 


കോട്ടയത്തുനിന്നും ഫയര്‍ഫോഴ്സ് സംഘമെത്തിയെങ്കിലും ലോറി പൂര്‍ണ്ണമായും കത്തി നശിച്ചു. അപകടം മനസിലാക്കിയ ഉടന്‍ ഡ്രൈവര്‍ ചാടിയിറങ്ങിയതിനാല്‍ ആളപായം ഒഴിവായി. സംഭവത്തെ തുടര്‍ന്ന് കായംകുളം - എറണാകുളം റൂട്ടില്‍ റയില്‍ ഗതാഗതം മണിക്കൂറുകളോളം സ്തംഭിച്ചു. കെ.എസ്.ഇ.ബി അധികൃതരും റയില്‍വേയുടെ ഇലക്ട്രിക് വിഭാഗവും സ്ഥലത്തെത്തി ലൈന്‍ പുനസ്ഥാപിക്കുന്നതിനുള്ള നടപടികള്‍ സ്വീകരിച്ചു. ചിങ്ങവനം പോലീസ് സ്ഥലത്തെത്തി.



Share this News Now:
  • Google+
Like(s): 146