02 January, 2018 07:13:44 PM


കണ്ണൂരില്‍ ഓടിക്കൊണ്ടിരുന്ന ലോറി കത്തി നശിച്ചു



കണ്ണൂര്‍: കണ്ണൂരില്‍ ഓടിക്കൊണ്ടിരുന്ന ലോറി കത്തി നശിച്ചു. മുഴപ്പിലങ്ങാട് ടോള്‍ ബൂത്തിന് സമീപമാണ് സംഭവം. എന്നാല്‍ തീപിടിത്തത്തിനുള്ള കാരണം വ്യക്തമല്ല. ലോറി പൂര്‍ണമായും കത്തി നശിച്ചു. കണ്ണൂരില്‍ നിന്നും തലശേരി ഭാഗത്തേക്ക് പോയ ലോറിയാണ് അപകടത്തില്‍ പെട്ടത്.

അപകട സമയത്ത് രണ്ട് പേരാണ് ലോറിയില്‍ ഉണ്ടായിരുന്നത്. പുറകില്‍ നിന്ന് പുകയുയരുന്നത് ശ്രദ്ധയില്‍ പെട്ടതിനെ തുടര്‍ന്ന് ഇരുവരും ഇറങ്ങിയോടുകയായിരുന്നു. തീ ആളിപടര്‍ന്നതിനെ തുടര്‍ന്ന് അഗ്നി സുരക്ഷാ സേനയുടെയും എടക്കാട്, ധര്‍മ്മടം പോലീസിന്റെയും നേതൃത്വത്തിലാണ് തീയണച്ചത്.



Share this News Now:
  • Google+
Like(s): 133