Breaking News
കൊല്ലം ബൈപ്പാസ് പ്രധാനമന്ത്രി നരേന്ദ്ര മോദി നാടിന് സമര്‍പ്പിച്ചു... അഡ്‌ലെയ്ഡ് ഏകദിനത്തില്‍ ഇന്ത്യയ്ക്ക് ആറ് വിക്കറ്റ് ജയം; കോഹ്ലിക്ക് സെ‍ഞ്ചുറി... ശബരിമലയിലെ നിരോധനാജ്ഞ നീട്ടില്ലെന്ന് ജില്ലാഭരണ കൂടവും പോലീസും തീരുമാനിച്ചു... ശബരിമലയിലെ സ്ത്രീ പ്രവേശന ഹര്‍ജികള്‍ 22 ന് പരിഗണിക്കില്ലെന്ന് സുപ്രീം കോടതി... ഏഷ്യന്‍ കപ്പില്‍ പ്രീ ക്വാര്‍ട്ടറിന്‍റെ അരികില്‍ നിന്ന് ഇന്ത്യ പുറത്ത്... കനകദുർഗയെ പെരിന്തൽമണ്ണയിലെ വീട്ടിലെത്തിയപ്പോൾ ഭർത്താവിന്‍റെ ബന്ധുക്കൾ മർദ്ദിച്ചതായി പരാതി... കൊല്ലം ബൈപ്പാസ് ഉദ്ഘാടനം ഇന്ന് പ്രധാനമന്ത്രി നിര്‍വ്വഹിക്കും... രാജ്യദ്രോഹ കേസ്; കനയ്യ കുമാറുള്‍പ്പടെ 10 പേര്‍ക്ക് എതിരെ കുറ്റപത്രം... പയ്യോളിയില്‍ സിപിഎം പ്രവര്‍ത്തകന്‍റെ വീടിനു നേരേ ബോംബെറിഞ്ഞ സംഭവം- ബിജെപി പ്രവര്‍ത്തകര്‍ കസ്റ്റഡിയില്‍... പൊങ്കല്‍ പ്രമാണിച്ച് ആറ് ജില്ലകള്‍ക്ക് നാളെ പ്രാദേശിക അവധി... അഗസ്ത്യാർകൂടത്തിലേക്കുളള സ്ത്രീ പ്രവേശനത്തിനെതിരെ കാണി വിഭാഗം രംഗത്ത്... അഗസ്ത്യാർകൂട യാത്രയ്ക്ക് ഇന്ന് തുടക്കം... മല കയറാന്‍ തയ്യാറായി ഒട്ടേറെ വനിതകളും... ഇന്ന് മകരവിളക്ക്; തിരുവാഭരണ ഘോഷയാത്ര വൈകിട്ട് അഞ്ചരയ്ക്ക് ശരംകുത്തിയിൽ എത്തും... വൈക്കം വടയാര്‍ പാലത്തില്‍ ലോറിയിടിച്ച് ബൈക്ക് യാത്രികരായ രണ്ട് യുവാക്കള്‍ മരിച്ചു... ഗാന്ധിയന്‍ കെ.പി.എ.റഹീം പ്രസംഗിക്കുന്നതിനിടെ കുഴഞ്ഞുവീണ് അന്തരിച്ചു... ദേവികുളം ഗ്യാപ്പ് റോഡരികിൽ റിസോര്‍ട്ട് ഉടമയും ജീവനക്കാരനും മരിച്ച നിലയില്‍... മാനേജര്‍ ഒളിവില്‍... രാമപുരത്തും പാലായിലും വാഹനാപകടങ്ങളില്‍ മൂന്ന് മരണം; പാലായിലെ അപകടം രാമപുരത്ത് നിന്ന് പോയ ആംബുലന്‍സ് ഇടിച്ച്... പഴന്തോട്ടം പള്ളി തർക്കത്തിന് താത്കാലിക പരിഹാരം; കാതോലിക്ക ബാവ ഉപവാസം അവസാനിപ്പിച്ചു... അലോക് വർമ്മയ്ക്കെതിരെ സിബിഐ അന്വേഷണത്തിന് ശുപാർശ... അതിരമ്പുഴ തിരുനാള്‍ 19ന് ആരംഭിക്കും; ഫെബ്രുവരി ഒന്നിന് എട്ടാമിടം...

02 January, 2018 05:14:02 PM


ഏറ്റുമാനൂരിൽ വാഹനാപകടത്തിൽ പരിക്കേറ്റ ഓട്ടോ ഡ്രൈവർ മരിച്ചു



ഏറ്റുമാനൂര്‍: എം.സി. റോഡില്‍ പടിഞ്ഞാറെ നടയ്ക്കു സമീപം ഓട്ടോറിക്ഷയും കാറും കൂട്ടിയിടിച്ചുണ്ടായ അപകടത്തില പരിക്കേറ്റ് ചികിത്സയിലായിരുന്ന ഓട്ടോ ഡ്രൈവർ മരണമടഞ്ഞു. പട്ടിത്താനം കോനാട്ട് ശ്രീധരന്‍റെയും ഇന്ദിരയുടെയും മകൻ ബൈജു (40) വാണ് മരിച്ചത്. കഴിഞ്ഞ വെള്ളിയാഴ്ച രാത്രി 10.30 മണിയോടെ ഏറ്റുമാനൂർ തിരു ഏറ്റുമാനൂരപ്പന്‍ ബസ്ബേയിലായിരുന്നു അപകടം. കോട്ടയം മെഡിക്കല്‍ കോളേജ് ആശുപത്രിയില്‍ പ്രവേശിപ്പിക്കപ്പെട്ട ബൈജു ചൊവ്വാഴ്ച വെളുപ്പിനെ 1.30 മണിയോടെയാണ് മരണമടഞ്ഞത്. 


പട്ടിത്താനം പടിയറ വീട്ടില്‍ അജിമോന്‍ ആന്‍റണിയുടെ പേരിലുള്ളതാണ് അപകടത്തില്‍ പെട്ട ഓട്ടോറിക്ഷയെങ്കിലും     ഉടമ കാണക്കാരി സ്വദേശി ആണ്. ഇയാളുടെ കയ്യിൽ നിന്നും ഓട്ടോ വാടകക്കെടുത്തതാണ് ബൈജു. ലോഡിംഗ് തൊഴിലാളിയായിരുന്ന ബൈജു ഓട്ടോ വാടകക്കെടുത്ത ആദ്യ ദിവസം തന്നെയായിരുന്നു അപകടവും. എന്നാല്‍ പരിക്കേറ്റ ബൈജു ബോധരഹിതനായതിനാല്‍ ആദ്യം തിരിച്ചറിയാനായിരുന്നില്ല.


ഏറ്റുമാനൂരില്‍ നിന്നും കാണക്കാരി ഭാഗത്തേയ്ക്ക് പോകുകയായിരുന്ന ഓട്ടോറിക്ഷാ ബസ് ബേയ്ക്കു മുന്നിലെത്തിയപ്പോള്‍ നിയന്ത്രണം വിട്ട് റോഡിനെതിര്‍വശത്തേക്ക് നീങ്ങുകയും എതിർദിശയിൽ നിന്നും വന്ന മാരുതി വാന്‍ ഓട്ടോറിക്ഷയിലിടിക്കുകയായിരുന്നു. ഇടിയുടെ ആഘാതത്തില്‍ മലക്കം മറിഞ്ഞ ശേഷം ഓട്ടോറിക്ഷ തൊട്ടടുത്ത കെട്ടിടത്തിന്‍റെ ഭിത്തിയില്‍ ഇടിച്ചു നില്‍ക്കുകയായിരുന്നു.


ഓട്ടോറിക്ഷയിൽ നിന്നും അപകടകരമാം വിധം റോഡിൽ പരന്നൊഴുകിയ ഓയിൽ കോട്ടയത്തു നിന്നും ഫയര്‍ ഫോഴ്സ് സംഘം എത്തി കഴുകി കളയുകയായിരുന്നു. ഈ അപകടത്തിനു രണ്ട് മണിക്കൂര്‍ മുമ്പ് ഇതേ സ്ഥലത്ത് ഒരു ബൈക്ക് യാത്രികനും അപകടത്തില്‍ പെട്ടിരുന്നു. റോഡിന് കുറുകെ കടന്ന വഴിയാത്രക്കാരനെ ഇടിക്കാതിരിക്കാന്‍ ബ്രേക്കിട്ടപ്പോള്‍ ബൈക്ക് മറിഞ്ഞാണ് അപകടമുണ്ടായത്. ബൈജുവിന്‍റെ സംസ്കാരം നടത്തി.



Share this News Now:
  • Google+
Like(s): 373