02 January, 2018 02:34:50 PM


മേല്‍വസ്ത്രം ധരിക്കാതെ യുവതികള്‍ ആഘോഷത്തില്‍; സ്പര്‍ശിച്ച യുവാവിന് മര്‍ദ്ദനം



ന്യൂസിലാന്‍ഡ്: മേല്‍വസ്ത്രം ധരിക്കാതെ സംഗീത ആഘോഷത്തില്‍ പങ്കെടുത്ത യുവതിയെ അനുമതിയില്ലാതെ സ്പര്‍ശിച്ച യുവാവിന് മര്‍ദ്ദനം. ഇരുപതുകാരിയായ മഡേൽൺ ആൻലോ-കിറ്റ്സ് മില്ലർ എന്ന യുവതിയും സുഹൃത്തും ചേര്‍ന്നാണ് യുവാവിനെ മര്‍ദ്ദിച്ചത്. ന്യൂസിലാന്‍ഡിലെ ഗിസ്ബോണില്‍ നടന്ന റിഥം ആന്‍ഡ് വൈന്‍സ് ആഘോഷത്തിനിടെയാണ് സംഭവം. 


മാറിടം കാണത്തക്ക വിധത്തില്‍ തിളങ്ങുന്ന നേരിയ മേല്‍ വസ്ത്രവും തീരെ ഇറക്കം കുറഞ്ഞ സ്കേര്‍ട്ടുമാണ് യുവതി ധരിച്ചിരുന്നത്. യുവതിയും സുഹൃത്തും ആഘോഷത്തില്‍ പങ്കെടുക്കുന്നതിനിടെ യുവാവ് അനുമതിയില്ലാതെ യുവതിയെ സ്പര്‍ശിക്കുകയായിരുന്നു. തുടര്‍ന്നാണ് അനുവാദമില്ലാതെ സ്പര്‍ശിച്ചുവെന്നാരോപിച്ച് യുവതിയും സുഹൃത്തും യുവാവിനെ മര്‍ദ്ദിച്ചത്. യുവതിയും സുഹ‍ൃത്തും മേല്‍വസ്ത്രമില്ലാതെ നെഞ്ചില്‍ തിളങ്ങുന്ന ചായവും തേച്ച് ന്യൂസിലന്‍ഡില്‍ നടന്ന ആഘോഷത്തില്‍ പങ്കെടുത്ത ചിത്രങ്ങളും ഡെയിലി മെയില്‍ പുറത്തു വിട്ടു.







Share this News Now:
  • Google+
Like(s): 182