30 December, 2017 11:43:11 AM


ഉപരോധം തുടരുന്നു; പുതുവത്സരം ആഘോഷിക്കാനൊരുങ്ങി ഖത്തര്‍



ദോഹ: ഉപരോധം തുടരുമ്പോഴും, പുതുവത്സരത്തെ വരവേല്‍ക്കാനുള്ള തയ്യാറെടുപ്പുകള്‍ സജീവമാക്കി ഖത്തര്‍. ഉപഭോക്താക്കളെ ആകര്‍ഷിക്കുന്നതിനായി നിരവധി ഓഫറുകളാണ് വിപണി ഒരുക്കിയിരിക്കുന്നത്. പുത്തന്‍ ഡിസൈനുകളിലുള്ള വസ്ത്രങ്ങള്‍, ഗൃഹോപകരണങ്ങള്‍, ആഭരണങ്ങള്‍, അലങ്കാര ഉത്പന്നങ്ങള്‍, മൊബൈല്‍ ഫോണുകള്‍ തുടങ്ങി നിരവധി ഉത്പന്നങ്ങള്‍ക്കും ഇലക്‌ട്രോണിക്സ് ഉപകരണങ്ങള്‍ക്കും വന്‍ ഓഫറുകള്‍ നല്കാനൊരുങ്ങുകയാണ് കമ്പനികള്‍.


അന്താരാഷ്ട്ര ബ്രാന്‍ഡുകള്‍ക്ക് ഉള്‍പ്പെടെ പത്തുമുതല്‍ അമ്പതുശതമാനം വരെ വിലക്കിഴിവാണ് ഒട്ടുമിക്ക ഹൈപ്പര്‍മാര്‍ക്കറ്റുകളിലുമുള്ളത്. ഗള്‍ഫ് രാജ്യത്തിന്‍റെ ഉപരോധം തുടരുമ്പോഴും രാജ്യത്തെ ആഘോഷങ്ങളും വിനോദപരിപാടികളും സജീവമാണ്. പുതുവത്സര വിഭവങ്ങളുമായി ഭക്ഷണശാലകളും ഉപഭോക്താക്കളെ വരവേല്‍ക്കാന്‍ തയ്യാറായിക്കഴിഞ്ഞു.



Share this News Now:
  • Google+
Like(s): 184