Breaking News
പേരാവൂരിനടുത്ത് നെടുംപൊയിലില്‍ ആര്‍എസ്‌എസ് പ്രവര്‍ത്തകനെ വെട്ടിക്കൊന്നു... വൈക്കം മുറിഞ്ഞപുഴയില്‍ മത്സ്യ തൊഴിലാളികളുടെ വലയില്‍ മൃതദേഹം... കാശ്മീരിൽ പാക് വെടിവയ്പ്: മ​ല​യാ​ളി ജ​വാ​ന് വീരമൃത്യു... ജി​എ​സ്ടി​യി​ൽ വീ​ണ്ടും ഇ​ള​വ്... കാസർഗോട്ട് വീട്ടമ്മ കൊല്ലപ്പെട്ട നിലയിൽ... ശ്രീജിവിന്‍റെ കസ്റ്റഡി മരണം സിബിഐ അന്വേഷിക്കും... ദേശീയ ബോക്സിംഗ് താരത്തിന്‍റെ കൊലപാതകവുമായി ബന്ധപ്പെട്ട് മൂന്ന് പേർ പിടിയിൽ... ഗോ​വ​യി​ൽ ഇ​ന്ന് ടൂ​റി​സ്റ്റ് ടാ​ക്സി ഡ്രൈ​വ​ർ​മാ​രു​ടെ പ​ണി​മു​ട​ക്ക്... സിം​ബാ​ബ്‌​വേ പ്ര​തി​പ​ക്ഷ നേ​താ​വും ഭാര്യയും ഹെ​ലി​കോ​പ്റ്റ​ർ അ​പ​ക​ട​ത്തി​ൽ മ​രി​ച്ചു...

22 December, 2017 12:18:02 PM


പ്രമേഹം, അര്‍ബുദം, രക്തസമ്മര്‍ദം.. തുടങ്ങിയ മരുന്നുകള്‍ വില നിയന്ത്രണ പട്ടികയില്‍



കോട്ടയം: പ്രമേഹം ഉള്‍പ്പെടെ 92 മരുന്നുകളുടെ വില കുറച്ചു. അര്‍ബുദം, രക്തസമ്മര്‍ദം, പ്രമേഹം, അണുബാധ എന്നിവയ്ക്കടക്കമുള്ള മരുന്നുകളാണ് ഫാര്‍മസ്യൂട്ടിക്കല്‍ പ്രൈസിങ് അതോറിറ്റി വില നിയന്ത്രണ പട്ടികയില്‍ ഉള്‍പ്പെടുത്തിയത്. രണ്ടാംഘട്ടവിലനിയന്ത്രണത്തിന്റെ ഭാഗമായാണ് ഇത്. ഡിസംബര്‍ 18ന് 65 മരുന്നുകളുടെ വില കുറച്ചിരുന്നു. ഇതിന് പുറമേയാണ് 27 മരുന്നുകള്‍ കൂടി പട്ടികയില്‍ ഉള്‍പ്പെടുത്തിയിരിക്കുന്നത്. വേദനസംഹാരികളായ ഡൈക്ലോഫെനാക്, ട്രഡമോള്‍, പ്രമേഹത്തിനുള്ള വോഗ്ലിബോസ്, കൊളസ്ട്രോളിനുള്ള റഓസുവസ്റ്റാറ്റിന്‍ എന്നിവയുടെ വിലനിയന്ത്രണം രണ്ടാം ഘട്ടത്തില്‍ ഉള്‍പ്പെടുത്തി.


വിലനിയന്ത്രണ പട്ടികയില്‍ ഉള്‍പ്പെട്ട മരുന്നുകള്‍ക്ക് പ്രതിവര്‍ഷം 10 ശതമാനം വില വര്‍ധിപ്പിക്കാന്‍ മരുന്ന് കമ്ബനികള്‍ക്ക് അനുമതിയുണ്ട്. പുതിയ വില പ്രകാരം അര്‍ബദ ചികിത്സയ്ക്കുള്ള ബോര്‍ടിസോമിബ് ഇന്‍ജെക്ഷന്റെ വില 12,500 ആയി കുറച്ചു. നേരത്തെ ഇത് 17, 640 രൂപയായിരുന്നു. ഹെപ്പറ്റൈറ്റിസ് രോഗികള്‍ക്കുള്ള സോഫോസ്ബവിര്‍-വെല്‍പാറ്റാസ്വിറിന്റെ വില 15, 625 രൂപയായും കുറച്ചിട്ടുണ്ട്. സ്റെററോയിഡായ മീതൈല്‍ പ്രെഡ്നിസലോണ്‍ ഇന്‍ജക്ഷനും വില കുറച്ചിട്ടുണ്ട്. നേരത്തെ 970 രൂപയായിരുന്ന 1000 എംജി മരുന്നിന്റെ വില 782.78 രൂപയായും കുറച്ചിട്ടുണ്ട്.



Share this News Now:
  • Google+
Like(s): 40