Breaking News
കോട്ടയം - എറണാകുളം റൂട്ടില്‍ ട്രെയിനുകള്‍ വൈകിയോടുന്നു... ഏറ്റുമാനൂര്‍ ഗവണ്‍മെന്‍റ് ഐടിഐയില്‍ അഗ്നിബാധ... ഉഴവൂര്‍ വിജയനെതിരായ പരാമര്‍ശത്തില്‍ മാപ്പുപറഞ്ഞ് എന്‍സിപി നേതാവ് മാണി സി കാപ്പന്‍... സംസ്ഥാനത്തെ സ്വകാര്യ ബസുകള്‍ അനിശ്ചിതകാല സമരത്തിലേക്ക്... സ്വ​കാ​ര്യ ബ​സും കെഎസ്ആ​ർ​ടി​സി​യും കൂ​ട്ടി​യി​ടി​ച്ച് 15 പേ​ർ​ക്ക് പ​രി​ക്ക്... മു​ണ്ട​ക്ക​യ​ത്ത് സി​നി​മ തീയറ്ററിന്‍റെ വരാന്തയിൽ യുവാവിന്‍റെ മൃതദേഹം കണ്ടെത്തി... നടന്‍ സിദ്ധു ആര്‍ പിള്ളയെ ഗോവയില്‍ മരിച്ച നിലയില്‍ കണ്ടെത്തി... തലസ്ഥാനത്തുണ്ടായ രാഷ്രീയ സംഘര്‍ഷത്തില്‍ ഡി.വൈ.എഫ്​.ഐ. ബി.ജെ.പി പ്രവര്‍ത്തകര്‍ക്ക് വെട്ടേറ്റു... ഉദയംപേരൂരിലെ നീതു വധക്കേസിലെ പ്രതി ബിനുരാജ് തൂങ്ങി മരിച്ച നിലയില്‍...

19 December, 2017 01:25:45 PM


പുലിമുരുകനിലെ ഗാനങ്ങള്‍ ഓസ്കാര്‍ പട്ടികയിലേക്ക്



കൊച്ചി: മോഹന്‍ലാല്‍ ചിത്രം പുലിമുരുകന്‍ ഒടുവില്‍ ഓസ്കാര്‍ പട്ടികയിലേക്കും. പുലിമുരുകനില്‍ ഗോപി സുന്ദര്‍ ചിട്ടപ്പെടുത്തിയ രണ്ട് ഗാനങ്ങളാണ് ഓസ്കാര്‍ പട്ടികയില്‍ ഇടം നേടിയത്. കെഎസ് ചിത്രയും യേശുദാസും ആലപിച്ച 'കാടണിയും കാല്‍ചിലമ്പേ', എസ് ജാനകി ആലപിച്ച 'മാനത്തേ മാരിക്കുറുമ്ബേ' എന്നീ ഗാനങ്ങളാണ് പട്ടികയില്‍ ഇടം നേടിയിരിക്കുന്നത്. തെരഞ്ഞെടുക്കപ്പെട്ട അഞ്ച് ഗാനങ്ങളാണ് അന്തിമ പട്ടികയിലുണ്ടാവുക. ജനുവരി 23ന് ഇത് സംബന്ധിച്ച പ്രഖ്യാപനം ഉണ്ടാകും. മാര്‍ച്ച്‌ നാലിനാണ് പുരസ്കാര ചടങ്ങ്.


റിലീസ് ചെയ്ത് ദിവസങ്ങള്‍ക്കകം ഒന്നിലധികം റെക്കോര്‍ഡുകള്‍ തകര്‍ത്ത ചിത്രം എന്ന പ്രത്യേകത കൂടിയുണ്ട് പുലിമുരുകന്. 100 കോടി ക്ലബിലെത്തുന്ന ആദ്യ മലയാള ചിത്രം, റിലീസ് ചെയ്ത ആദ്യ ദിവസം ഏറ്റവും കൂടുതല്‍ കളക്ഷന്‍ നേടിയ ചിത്രം, ആദ്യ ആഴ്ച ഏറ്റവും കൂടുതല്‍ കളക്ഷന്‍ നേടിയ ചിത്രം, ഏറ്റവും വേഗത്തില്‍ 10 കോടിയും 25 കോടിയും കളക്ഷന്‍ നേടുന്ന ചിത്രം എന്നിങ്ങനെ പുലി വേട്ടയാടിപ്പിടിച്ച റെക്കോര്‍ഡുകള്‍ നിരവധിയാണ്.


വൈശാഖ് സംവിധാനം ചെയ്ത ചിത്രം നിര്‍മ്മിച്ചത് ടോമിച്ചന്‍ മുളകുപാടമായിരുന്നു. ഉദയകൃഷ്ണ രചന നിര്‍വ്വഹിച്ച ചിത്രത്തിന്റെ ആക്ഷന്‍ കൈകാര്യം ചെയ്തത് പീറ്റര്‍ ഹെയ്നാണ്. കടുവയും മനുഷ്യനും നേര്‍ക്കുനേര്‍ ഏറ്റുമുട്ടിയ ആദ്യ ഇന്ത്യന്‍ ചിത്രവും പുലിമുരുകനാണ്.



Share this News Now:
  • Google+
Like(s): 72