16 December, 2017 08:11:18 PM


തൃശൂര്‍ ആമ്പല്ലൂരിനടുത്ത് രണ്ട് കുട്ടികള്‍ കുളത്തില്‍ മുങ്ങി മരിച്ചു



തൃശൂര്‍: പുതുക്കാട് ആമ്പല്ലൂരിനടുത്ത് രണ്ട് കുട്ടികള്‍ കുളത്തില്‍ മുങ്ങി മരിച്ചു. ആമ്പല്ലൂര്‍ പച്ചലിപ്പുറം സ്വദേശി റോബിന്‍റെ മകന്‍ റൊണാള്‍ഡ്, പൊന്നാരി ബൈജുവിന്‍റെ മകന്‍ സോജന്‍ എന്നിവരാണ് മരിച്ചത്. ഉച്ചയ്ക്ക് ശേഷം കുളത്തിന് സമീപം കളിക്കാനെത്തിയ കുട്ടികള്‍ കുളത്തില്‍ കാല്‍ വ‍ഴുതി വീ‍ഴുകയായിരുന്നു. മറ്റൊരു കുട്ടി ഇതു കണ്ട് നിലവിളിച്ചതോടെയാണ് വീട്ടുകാര്‍ വിവരമറിഞ്ഞത്. കുട്ടികളെ പുറത്തെടുത്തെങ്കിലും ആശുപത്രിയില്‍ എത്തിക്കുന്നതിന് മുമ്പേ ജീവന്‍ നഷ്ടമായി. 




Share this News Now:
  • Google+
Like(s): 299