16 December, 2017 01:13:15 PM


മദ്യപിക്കാന്‍ പണം നല്‍കിയില്ല; അമ്മാവന്‍ മരുമകനെ കൊലപ്പെടുത്തി



ഇടുക്കി: മദ്യപിക്കാന്‍ പണം നല്‍കാത്തതിന്‍റെ പേരില്‍ തുടങ്ങിയ തര്‍ക്കം കലാശിച്ചത് കൊലപാതകത്തില്‍. അടിമാലിയിലാണ് സംഭവം നടന്നത്. മദ്യപിക്കാന്‍ പണം നല്‍കിയില്ലെന്ന കാരണത്താല്‍ അമ്മാവന്‍ മരുമകനെ കൊലപ്പെടുത്തുകയായിരുന്നു. ചാറ്റുപാറക്കുടി സ്വദേശിയായ ശശിയാണ് കൊല്ലപ്പെട്ടത്.


ശശിയുടെ മാതാവിന്‍റെ സഹോദരനായ രാജന്‍ രാമനാണ് പ്രതി. മദ്യം വാങ്ങാനുള്ള തുകയുടെ വിഹിതത്തെ സംബന്ധിച്ച തര്‍ക്കമാണ് കൊലപാതകത്തില്‍ കലാശിച്ചതെന്ന് പൊലീസ് പറഞ്ഞു. വ്യാഴാഴ്ച രാത്രിയിലായിരുന്നു കൊലപാതകം നടന്നത്. പ്രതിയെ പൊലീസ് അറസ്റ്റ് ചെയ്തു.



Share this News Now:
  • Google+
Like(s): 196