16 December, 2017 12:52:56 PM


രാമലീല നൂറിന്‍റെ നിറവില്‍ ; നന്ദി അറിയിച്ച്‌ സംവിധായകന്‍



കൊച്ചി: വെല്ലുവിളികളെയും, കത്തി നിന്ന വിവാദങ്ങളെയും മറികടന്ന് രാമലീലയെ ജനപ്രിയ ചിത്രമാക്കിയ പ്രേക്ഷകര്‍ക്ക് നന്ദി അറിയിച്ച്‌ സംവിധായകന്‍ അരുണ്‍ ഗോപി.ജനപ്രിയ നായകന്‍ ദിലീപിനെ നായകനാക്കി അരുണ്‍ ഗോപി സംവിധാനം ചെയ്ത രാമലീല നൂറാം ദിനത്തിലേക്ക് കടന്നിരിക്കുകയാണ്."ജനപ്രിയ വിജയത്തിന്റെ 100 നാളുകള്‍ കൂടെ നിന്ന കൂട്ട് നിന്ന എല്ലാര്ക്കും നന്ദി!!!!" എന്ന് അരുണ്‍ ഗോപി ഫെയ്സ്ബുക്കില്‍ കുറിച്ചു.


നടി ആക്രമിക്കപ്പെട്ട കേസുമായി ദിലീപിനെതിരെ വിവാദങ്ങളും , കേസുകളും ഉയര്‍ന്ന് വന്ന സമയത്താണ് രാമലീല തീയേറ്ററുകളില്‍ എത്തിയത്.എന്നാല്‍ വിവാദങ്ങള്‍ ഒന്നും ചിത്രത്തെ ഒരു തരത്തിലും പിന്നോട്ടടിച്ചില്ല. പകരം മികച്ച വിജയമാണ് പൊളിറ്റിക്കല്‍ ത്രില്ലര്‍ ചിത്രത്തിന് ലഭിച്ചത്.ടോമിച്ചന്‍ മുളകുപാടം നിര്‍മിച്ച ചിത്രത്തില്‍ പ്രയാഗ മാര്‍ട്ടിന്‍ ആയിരുന്നു നായിക.11 ദിവസം കൊണ്ട് ചിത്രം കേരളത്തില്‍ നിന്നു മാത്രമായി 25 കോടി നേടിയിരുന്നു. 50 ദിവസം കൊണ്ട് 50 കോടി ക്ലബ്ബില്‍ എത്തിയ ആദ്യ ദിലീപ് ചിത്രം കൂടിയാണ് രാമലീല.



Share this News Now:
  • Google+
Like(s): 221