13 December, 2017 11:00:04 AM


ദില്ലിയില്‍ പുകമഞ്ഞ് മൂലം പത്ത് ട്രെയിനുകള്‍ റദ്ദാക്കി



ദില്ലി: പുകമഞ്ഞ് അനുഭവപ്പെട്ടതിനെ തുർന്നു കാഴ്ച അവ്യക്തമായതുമൂലം ദില്ലിയിൽ പത്തു ട്രെയിനുകൾ റദ്ദാക്കി. 13 ട്രെയിനുകളാണ് ഇതുമൂലം വൈകിയോടുന്നത്. മറ്റു ചില ട്രെയിനുകളുടെ സമയം പുനഃക്രമീകരിക്കുകയും ചെയ്തിട്ടുണ്ട്. യാത്ര ആരംഭിക്കുന്നതിനു മുൻപേ യാത്രക്കാരോട് റെയിൽവേയുടെ വെബ്സൈറ്റ് നോക്കി സമയം ഉറപ്പു വരുത്താൻ റെയിൽവേ മന്ത്രാലയം നിർദേശം നൽകി.


ട്രെയിനുകൾ വൈകുന്ന വിവരങ്ങൾ യാത്രക്കാരുടെ രജിസ്റ്റർ ചെയ്ത മൊബൈൽ നമ്പരുകളിലും അറിയിക്കുന്നുണ്ട്. ദില്ലിയിൽ കഴിഞ്ഞ ഒരു മാസത്തോളമായി കടുത്ത പുകമഞ്ഞ് അനുഭവപ്പെടുകയാണ്.



Share this News Now:
  • Google+
Like(s): 215