11 December, 2017 02:24:51 PM


ദില്ലിയില്‍ വിദേശിയുവാവ് ദുരൂഹ സാഹചര്യത്തില്‍ മരിച്ച നിലയില്‍



ദില്ലി: രാജ്യതലസ്ഥാനത്തെ തെരുവിൽ വിദേശി യുവാവ് മരിച്ച നിലയിൽ. ദില്ലിയിലെ മെഹരൗലി-ഗുരുഗ്രാം പാതയിലാണ് ഇന്ന് പുലർച്ചെ മൃതദേഹം കണ്ടെത്തിയത്. ആഫ്രിക്കൻ വംശജനാണ് മരിച്ചതെന്നാണ് പ്രാഥമിക നിഗമനം. എന്നാൽ ഇക്കാര്യം പോലീസിന് സ്ഥിരീകരിക്കാനായിട്ടില്ല. ഇയാൾ കൊല്ലപ്പെട്ടതാണോ എന്നും പോലീസ് സംശയിക്കുന്നുണ്ട്. ശരീരത്തിൽ മുറുവുകളോ മറ്റു പരിക്കുകളോ ഒന്നുമില്ലെന്നും അതിനാൽ പോസ്റ്റ്മോർട്ടം കഴിയാതെ ഒന്നും പറയാനാവില്ലെന്നും പോലീസ് വൃത്തങ്ങൾ വ്യക്തമാക്കി.



Share this News Now:
  • Google+
Like(s): 203