09 December, 2017 12:21:52 PM


ദില്ലിയില്‍ തണുപ്പും മൂടല്‍ മഞ്ഞും; എട്ട് ട്രെയിനുകള്‍ റദ്ദാക്കി



ദില്ലി : ദില്ലി തണുത്ത് വിറക്കുന്നതായി റിപ്പോര്‍ട്ട്. മൂടല്‍ മഞ്ഞിനെ തുടര്‍ന്ന് എട്ട് ട്രെയിനുകള്‍ റദ്ദാക്കി. 15 ട്രെയിനുകള്‍ വൈകിയോടുകയാണ്. വടക്കേ ഇന്ത്യയില്‍ പലയിടത്തും അനുഭവപ്പെട്ട തണുപ്പും മൂടല്‍ മഞ്ഞും ജനജീവിതത്തെ ബാധിച്ചു.


ദില്ലിയില്‍ സീസണില്‍ അനുഭവപ്പെട്ടതിനെക്കാള്‍ കുറഞ്ഞ താപനിലയാണ് അനുഭവപ്പെട്ടുകൊണ്ടിരിക്കുന്നത്. ദില്ലിയില്‍ അനുഭവപ്പെട്ട കുറഞ്ഞ താപനില 7.6 ഡിഗ്രിയാണ്. വെള്ളിയാഴ്ച ഡല്‍ഹിയില്‍ രേഖപ്പെടുത്തിയ കുറഞ്ഞ താപനില 9.4 ഡിഗ്രി ആയിരുന്നു. കൂടിയ താപനില 25.2 ഉം.



Share this News Now:
  • Google+
Like(s): 211