08 December, 2017 12:10:51 PM


പാര്‍ട്ടി നേതൃത്വത്തിൽ അഴിച്ചുപണിയുടെ ആവശ്യമില്ലെന്ന് ജോസ് കെ.മാണി



കോട്ടയം: പാര്‍ട്ടി നേതൃത്വത്തിൽ അഴിച്ചുപണിയുടെ ആവശ്യമില്ലെന്ന് കേരളാ കോണ്‍ഗ്രസ്-എം വൈസ് ചെയര്‍മാന്‍ ജോസ് കെ.മാണി എം.പി. നേതൃമാറ്റം സംസ്ഥാന സമ്മേളനത്തിന്‍റെ അജണ്ടയിലില്ല. മുന്നണി രാഷ്ട്രീയത്തിനാണ് സംസ്ഥാനത്ത് ഏറെ പ്രസക്തിയെന്നും ഇത് സംബന്ധിച്ച് ഏകകണ്ഠമായ തീരുമാനമായിരിക്കും കേരളാ കോണ്‍ഗ്രസ് കൈക്കൊള്ളുകയെന്നും ജോസ്.കെ.മാണി എം.പി പറഞ്ഞു. 

അടുത്തയാഴ്ച കോട്ടയത്തു നടക്കുന്ന സംസ്ഥാന സമ്മേളനത്തോടെ പാര്‍ട്ടിയുടെ ചെയര്‍മാന്‍ സ്ഥാനത്തേയ്ക്ക് എത്തുമെന്ന എന്ന സൂചനകള്‍ ശക്തമായി നിലനില്‍ക്കെയാണ് ജോസ്.കെ.മാണി എം.പി ഇതിനെ പാടെ തള്ളിയത്. ശക്തമായ നേതൃനിരയാണ് പാര്‍ട്ടിക്കുള്ളതെന്നും അതുകൊണ്ട് ഇപ്പോള്‍ അഴിച്ചു പണിയുടെ ആവശ്യമില്ലെന്നുമാണ് അദ്ദേഹം പറഞ്ഞത്.



Share this News Now:
  • Google+
Like(s): 292