Breaking News
പേരാവൂരിനടുത്ത് നെടുംപൊയിലില്‍ ആര്‍എസ്‌എസ് പ്രവര്‍ത്തകനെ വെട്ടിക്കൊന്നു... വൈക്കം മുറിഞ്ഞപുഴയില്‍ മത്സ്യ തൊഴിലാളികളുടെ വലയില്‍ മൃതദേഹം... കാശ്മീരിൽ പാക് വെടിവയ്പ്: മ​ല​യാ​ളി ജ​വാ​ന് വീരമൃത്യു... ജി​എ​സ്ടി​യി​ൽ വീ​ണ്ടും ഇ​ള​വ്... കാസർഗോട്ട് വീട്ടമ്മ കൊല്ലപ്പെട്ട നിലയിൽ... ശ്രീജിവിന്‍റെ കസ്റ്റഡി മരണം സിബിഐ അന്വേഷിക്കും... ദേശീയ ബോക്സിംഗ് താരത്തിന്‍റെ കൊലപാതകവുമായി ബന്ധപ്പെട്ട് മൂന്ന് പേർ പിടിയിൽ... ഗോ​വ​യി​ൽ ഇ​ന്ന് ടൂ​റി​സ്റ്റ് ടാ​ക്സി ഡ്രൈ​വ​ർ​മാ​രു​ടെ പ​ണി​മു​ട​ക്ക്... സിം​ബാ​ബ്‌​വേ പ്ര​തി​പ​ക്ഷ നേ​താ​വും ഭാര്യയും ഹെ​ലി​കോ​പ്റ്റ​ർ അ​പ​ക​ട​ത്തി​ൽ മ​രി​ച്ചു...

07 November, 2017 08:29:09 PM


തരിശു നില കൃഷിക്ക് ലഭിക്കുന്നത് വലിയ ജനപിന്തുണ: മന്ത്രി സുനില്‍ കുമാര്‍




കോട്ടയം സംസ്ഥാന സര്‍ക്കാര്‍  ആവിഷ്‌ക്കരിച്ച് നടപ്പാക്കുന്ന തരിശുനില കൃഷി പദ്ധതിക്ക് വലിയ ജനപിന്തുണയാണ് ലഭിക്കുന്നതെന്ന് കാര്‍ഷിക വികസന കര്‍ഷക ക്ഷേമ വകുപ്പ് മന്ത്രി അഡ്വ. വി.എസ് സുനില്‍കുമാര്‍ പറഞ്ഞു. 210 ഏക്കര്‍  വരുന്ന കോട്ടയം ജില്ലയിലെ കൊല്ലാട് കിഴക്കുപുറം വടക്കുപുറം പാടശേഖരത്ത് വിത മഹോത്സവം ഉദ്ഘാടനം ചെയ്യുകയായിരുന്നു അദ്ദേഹം. 

കോട്ടയം ജില്ലയിലും ജനങ്ങള്‍ വലിയ ആവേശത്തോടെയാണ് തരിശുനില നെല്‍കൃഷി പദ്ധതിയെ സ്വീകരിച്ചിട്ടുളളത്. പ്രകൃതിയെ തിരിച്ചു പിടിക്കുകയെന്നതാണ് സര്‍ക്കാര്‍ വിഭാവനം ചെയ്യുന്ന ഏറ്റവും വലിയ വികസനം. കോട്ടയം ജില്ലയില്‍ കൊടൂരാറിന്‍റെ നിലനില്‍പ്പുതന്നെ പാടശേഖരത്തെ ആശ്രയിച്ചാണിരിക്കുന്നത്. ഇവിടെ 210 ഏക്കറോളം വരുന്ന സ്ഥലത്ത് കൃഷിക്ക് മുന്നിട്ടിറിങ്ങിയിരിക്കുന്നത് അഞ്ച് കര്‍ഷകരാണ്. അവര്‍ക്ക് കൃഷിക്ക് ആവശ്യമായ എല്ലാ സഹായങ്ങളും നല്‍കും. പാടശേഖരത്ത് തകര്‍ന്ന് വീണ മട പുനസ്ഥാപിക്കാന്‍ ഉളള ചിലവ് എസ്റ്റിമേറ്റ് എടുത്ത് അറിയിക്കാന്‍ മന്ത്രി നിര്‍ദ്ദേശിച്ചു. 

ചടങ്ങില്‍ മുതിര്‍ന്ന കര്‍ഷകന്‍ ജോസഫ് ഉലഹന്നാനെയും കൃഷിയിറക്കുന്ന സുരേഷ് കുമാര്‍, കെ.സി. വര്‍ഗീസ്, വര്‍ഗീസ് ജോസഫ്, ഷിബു കുമാര്‍, ബാബു ഉലഹന്നാന്‍ എന്നീ കര്‍ഷകരെയും മന്ത്രി ആദരിച്ചു. പനച്ചിക്കാട്  ഗ്രാമപഞ്ചായത്ത് പ്രസിഡന്‍റ് ഇ.ആര്‍ സുനില്‍ കുമാര്‍ അദ്ധ്യക്ഷ വഹിച്ചു. പ്രിന്‍സിപ്പല്‍ കൃഷി ഓഫീസര്‍ എസ്. ജയലളിത പദ്ധതി വിശദീകരിച്ചു. 



Share this News Now:
  • Google+
Like(s): 52