05 November, 2017 02:29:47 PM


ആം ആദ്മി പാര്‍ട്ടി കോണ്‍ഗ്രസിന്‍റെ ബി ടീമാണെന്ന് ബിജെപി




ദില്ലി: ആം ആദ്മി പാർട്ടി കോണ്‍ഗ്രസിന്‍റെ ബി ടീമായി  മാറിയിരിക്കുകയാണെന്ന് ബിജെപി. ദില്ലിയുടെ ഭരണവുമായി ബന്ധപ്പെട്ട് നിലനിൽക്കുന്ന കേസിൽ എഎപി സർക്കാരിന് വേണ്ടി കോണ്‍ഗ്രസ് നേതാവും മുൻ കേന്ദ്രമന്ത്രിയുമായ പി.ചിദംബരം സുപ്രീംകോടതിയിൽ ഹാജരാകുന്നത് ചൂണ്ടിക്കാട്ടിയായിരുന്നു ബിജെപിയുടെ പ്രതികരണം.

ആദ്യം മുതൽ ബിജെപി ഉന്നയിക്കുന്ന വിഷയമാണിതെന്നും ചിദംബരത്തെ എഎപി സർക്കാർ നിയോഗിച്ചതോടെ ഇരു പാർട്ടികളും തമ്മിലുള്ള ബന്ധം വ്യക്തമായെന്നും ബിജെപി ദില്ലി അധ്യക്ഷൻ മനോജ് തിവാരി പറഞ്ഞു. അജയ് മാക്കൻ അധ്യക്ഷനായ ദില്ലി കോണ്‍ഗ്രസ് ഘടകം എഎപിയിൽ ലയിച്ചാൽ പോലും അദ്ഭുതപ്പെടേണ്ടതില്ലെന്നും അദ്ദേഹം കൂട്ടിച്ചേർത്തു. 


Share this News Now:
  • Google+
Like(s): 48